Бүгін мектебімізде «Рухани жаңғыру» бағдарламасы аясында, Қарағанды қаласының 85 жылдығына орай және Ұлыстың ұлы күні Наурыз мерекесіне қарсаңында 5-7 сыныптар арасында ұйымдастырылған «Наурыз аруы - 2019» сайысы болып өтті. Сайыстың мақсаты қазақ қызының бойындағы ұлттық дәстүрімізге сай әдептілік, көріктілік, ептілік, инабаттылық, кішіпейілділік, сұлулық т.б жан-жақты ұлттық қасиеттерін таныта білу, қазақ халқының ұлттық өнерін, салт-дәстүрін дәріптеуге үйрету, оқушылардың танымдық және шығармашылық қабілетін, эстетикалық талғамын, шебірлігін дамыту, көпшілік алдында өзін-өзі ұстай білуге, мейірімділікке тәрбиелеу. Төрт кезеңнен құрылған сайысқа қатысушы 13 ару қыздарымыз түрлі номинацияларға ие болды. Үздік деп танылған 7 «Ә» сыныбының ару Қарабаева Гүлнұр «Наурыз аруы - 2019» иегері атанды.