Бүгін мектебімізде рухани жаңғыру және жастарды қолдау бағдарламасы аясында,қалалық білім бөлімінің ұйымдастыруымен «Оқыту үшін бағалаудың негізгі идеясының бірі-формативті бағалау» тақырыбында қаламыздың жас мамандары үшін әдістемелік семинарын өткізді.Аталмыш іс-шараға қала мектептерінің жас мұғалімдері шақырылды.
Семинарды мектеп директоры М.К.Кузембаев ашып беріп,жас мұғалімдерді құттықтай отырып,бүгінгі мектеп тынысымен қысқаша таныстырып өтті.Семинардың жоспары мен мақсаты туралы қалалық білім бөлімінің әдіскері А.С.Гавриш таныстырды.
Негізгі іс-шараны мектебіміздің информатика пәні мұғалімі және директордың бейіндік оқыту бойынша орынбасары К.М.Алдияров «Электронды оқулық жасау әдістері» тақырыбындағы шеберлік сағатымен бастады.Мұнда,жас мамандарға электронды оқулық жасау жолдары,қажетті компьютерлік бағдарламалар,сондай-ақ,CAMTASIA STUDIO және FLIP PDF бағдарламаларының жұмыс істеу тәсілдері жақыннан таныстырылды.
Келесі шарада мектебіміздің жоғарғы дәрежелі информатика пәні мұғалімі Г.Б.Сулейменова «Бағалау тапсырмаларына табыс критерилерін қолданудың маңыздылығы» тақырыбында коучинг жүргізді.Мұнда,жас мамандарға сабақ барысында оқушыларды ұйымдастыру,олардың топтармен жұмыс жасау қабілеттерін арттыру мен мақсатқа жету үшін жұмылып жұмыс жасауға үйрету сияқты іс амалдары көрсетілді.
Жоспарланған іс-шараны мектебіміздің жоғарғы дәрежелі информатика мұғалімі А.К.Тлеубекова «Жас маман, болашаққа бас қадам!» тақырыбындағы семинар-тренингпен аяқталды.Мұнда жас мамандарға сабақ барысында кездейсоқ кездесетін ситуациялар және олардан шығу жолдары көрсетіліп талданды.
Семинар соңында,жас мамандардың ой-пікірлері тыңдалды.Бұл кезенде жас мамандар бүгінгі өтілген іс-шарадан алған әсерлерімен бөлісіп,қалалық білім бөлімі мен мектеп ұжымына өз алғыстарын айтып жатты.Жалпы,ұйымдастырылған іс-шара өз мақсатына жетіп,қойылған міндетті толықтай атқарып шықты.
Байланыс телефондары
