Қарағанды қаласының білім бөлімінің жоспарына сай, бүгін «Алмагүл» бөбекжайында ҚМҚК инклюзивтік білім беру саласында қалалалық  «Мектепке дейінгі ұйымдағы психологиялық-педагогикалық сүйемелдеу» атты шеберлік сыныбы ұйымдастырылды. Семинар  қатысушыларына  «Алмагүл» бөбекжайының тәжірибелік жұмыстары мына бағыттар бойынша ұсынылды: топтық кешенді оқу қызметі  «Квест –солтүстік полюске саяхат», логопед пен дене шынықтыру нұсқаушысының біріккен іс-әрекетінде көрсетілді және көру қабілеті бұзылған мектепке дейінгі даярлық тобында  тәрбиешінің, дефектологтың және психологтың өзара әрекеттесуімен «Сиқырлы сандар елінде» атты ұйымдастырылған оқу қызметі көрсетілді. Семинардың барлық қатысушылары «Зияткерлік» тақырыбындағы шеберлік сыныбына белсене қатысты, онда педагогтар әртүрлі оқу қызметі түрлерінің  өзара әрекеттесуі бойынша ұсыныстар, мақсаттар мен міндеттерді жасады. Педагогтар  қызығушылықпен Тимбилдинг технологиясымен танысты. Ұжымды біріктіруге, педагогтардың бір-бірімен толыққанды қарым-қатынасын ұйымдастыруымен танысып ,топ құруға арналған  ойындар мен жаттығуларға белсене қатысты. Семинарға қатысушылар бөбекжай ұжымына қызықты жұмыс тәжірибелері үшін алғыс білдірді, олардың жұмысында көптеген қызықты сәттерді пайдаланатындықтарын атап өтті және шығармашылық табыс тіледі.  Білім бөлімінің инклюзивті білім берудің әдіскері Исатаева У.Н. ұсынылған жұмыс тәжірибелеріне оң баға берді және семинарға қатысушыларды оны оқып-үйренуге және оны практикалық қызметінде қолдануға шақырды.