«№62 жалпы білім беретін мектеп» КММ-де Ашық есік күні
«№62 жалпы білім беретін мектеп» КММ-де «Ақниет» балабақшасының тәрбиешілеріне арналған Ашық есік күні 17 қарашада өтті. Іс-шара аясында мектеп мұғалімдері ашық сабақтар өткізіп, оқытудың тиімді әдіс-тәсілдерін, заманауи білім беру технологияларын көрсетіп, өздерінің педагогикалық тәжірибелерімен бөлісті. Тәрбиешілер сабақтарға қатысып, оқу үдерісінің ұйымдастырылуымен, педагогтердің жұмысымен және бастауыш сынып оқушыларын оқытудың ерекшеліктерімен танысуға мүмкіндік алды. Кездесу барысында тәжірибе алмасу, мектепке дейінгі және бастауыш білім беру арасындағы сабақтастық мәселелері талқыланды. Іс-шара жылы әрі достық атмосферада өтіп, мектеп пен балабақша педагогтері арасындағы кәсіби ынтымақтастықты нығайтуға ықпал етті. Мұндай кездесулер бірыңғай білім беру кеңістігін қалыптастыруға және балалардың балабақшадан мектепке бейімделу кезеңінің жеңіл әрі бірізді өтуіне мүмкіндік береді.


Байланыс телефондары
