«Арман» және «Бақыт» мектепалды топтарында балалардың кітап оқуға деген қызығушылығын қалыптастыру, танымдық белсенділігін дамыту және алдағы мектептегі оқуға дайындау мақсатында мектеп туралы кітаптар іріктеліп, «Өзіміз оқимыз» атты кітап бұрыштары безендірілді.

Кітап бұрыштарына мектеп, мектеп өмірі және оқу құралдары туралы көркем шығармалар, әңгімелер, ертегілер мен өлеңдер іріктеліп қойылды. Балалардың мектепке деген жағымды көзқарасын қалыптастыруға, сабақ пен үзіліс кезіндегі тәртіп ережелерімен таныстыруға, сондай-ақ білім мен оқудың маңызын түсінуге көмектесетін шығармаларға ерекше назар аударылды.

Балалардың қызығушылығын арттыру мақсатында кітаптар ұқыпты орналастырылып, кітап бұрыштары безендірілді. Балалар кітаптардың суреттерін қызығушылықпен қарап, мұқабаларымен танысты, өздеріне ұнаған шығармаларды таңдап, алған әсерлерімен бөлісті. Тәрбиешілер мектеп туралы әңгімелер өткізіп, балалармен оқылған шығармалардың мазмұнын талқылады, иллюстрациялар бойынша сұрақтар қойып, таныс оқиғаларды өз беттерінше мазмұндауды ұсынды.

«Өзіміз оқимыз» кітап бұрыштарын ұйымдастыру балалардың байланыстырып сөйлеуін дамытуға, сөздік қорын байытуға, кітаптарды өз бетінше қарау дағдыларын қалыптастыруға және кітапқа ұқыпты қарауға тәрбиелеуге ықпал етті. Мектеп туралы шығармаларды оқу және талқылау балалардың жағымды көңіл күйін қалыптастырып, мектеп өміріне деген қызығушылығын арттырды.

Мектепалды даярлық топтарының тәрбиеленушілерін мектепке дайындау жұмыстарында кітаптарды іріктеу және кітап бұрыштарын безендіру маңызды рөл атқарды.