2026 жылғы 10 қыркүйекте «Ақниет» б/ж КМҚК-ның «Арман» және «Бақыт» мектепалды топтарында ««Мектепке бірге дайындалайық: баланың дербестігін, жауапкершілігін және қарым-қатынас дағдыларын қалыптастыру»тақырыбында ата-аналар жиналысы өтті. Кездесу барысында мектеп жасына дейінгі балалардың байланыстырып сөйлеуін дамыту, сөздік қорын байыту және коммуникативтік дағдыларын қалыптастыру мәселелері талқыланды. Баланың сөйлеу тілін дамытудағы отбасының рөліне, күнделікті қарым-қатынас жасауға, кітап оқуға, әңгімелесуге және бірлескен ойындардың маңыздылығына ерекше назар аударылды. Жиналысқа № 62 жалпы білім беретін мектептің бастауыш сынып мұғалімі Джур Оксана Юрьевна шақырылып, ата-аналар алдында сөз сөйледі. Ол балалардың дұрыс, сауатты әрі мәнерлі сөйлеуін дамытуға қатысты пайдалы ұсыныстарымен және практикалық кеңестерімен бөлісті. Кездесу жылы әрі достық атмосферада өтті. Ата-аналар балалардың сөйлеу тілін үй жағдайында дамытуға көмектесетін пайдалы ақпараттар мен ұсыныстар алды. Педагогтер мен ата-аналардың бірлескен жұмысы - мектеп жасына дейінгі балалардың сөйлеу тілін табысты дамыту мен еркін қарым-қатынас жасау дағдыларын қалыптастырудың маңызды кепілі.