2025 жылдың 19 желтоқсанда «№ 62 жалпы білім беретін мектебінде» КММ «Әліппемен қоштасу» атты мереке өтті.

«Әліппемен қоштасу» - балалардың өміріндегі ең үлкен әрі маңызды оқиға. Себебі олар өз өмірлеріндегі алғашқы маңызды белесті бағындырып, оқуды меңгерді. Ойлап қарасақ, барлық әріптер үйренілді, оқу дағдылары қалыптасты. Бұл - әрбір оқушы үшін үлкен жетістік, балалар осы жетістіктерімен мақтанды.

Мерекеге барлық 1-сынып оқушылары қатысты. Оқушылардың мерекесіне Әліппе мен Мыстан кемпір сияқты ертегі кейіпкерлері қонаққа келіп, іс-шараны қызықты әрі көңілді ете түсті.

Мереке ойын түрінде өтті. Әрбір бала белсенді қатысып, өлең оқыды, ән айтты, би биледі, жұмбақтар шешіп, түрлі тапсырмалар орындады. Балалар бір жыл бойы не үйренгендерін көрсетті. Сонымен қатар, «Әліппенің» тек әріптер мен оқуды ғана емес, достыққа, бірлесе жұмыс істеуге, бір-біріне көмектесуге үйреткенін айтты. Әліппе балаларға білімнің жаңа әлемін ашып, сол әлемге жасаған алғашқы қадамдарының бастауы болды.

Мереке соңында оқушылар Әліппеге алғыс айтып, жылы лебіздерін білдірді.

Бұл мереке тәрбиеленушілерге көтеріңкі көңіл күй сыйлап, көптеген жағымды әсер қалдырды.