«Ақниет» КМҚК жұмыс жоспарына сәйкес 2025 жылдың 24 қазанында балалар мен қызметкерлерді эвакуациялау бойынша өртке қарсы оқу-жаттығу өткізілді.

         Жаттығудың негізгі мақсаты – хабарландыру жүйесінің жұмысын тексеру, басшылық құрам мен тәрбиешілердің өрт шыққан жағдайда балалар мен қызметкерлердің қауіпсіздігін қамтамасыз ету бойынша тәжірибелік дағдыларын бағалау болды.

         Тәрбиешілер ешқандай үрейге салынбай, ұйымдасқан түрде және үйлесімді әрекет етіп, жоспарға сәйкес балаларды ғимараттан эвакуациялауға дереу кірісті. Балалар эвакуацияға жауапкершілікпен қарап, сабырлы күйде тәрбиешілердің барлық нұсқауларын тыңдап, бір-біріне көмектесті.

         Эвакуация белгіленген нормативтік уақыт ішінде жүргізілді. Балабақша қызметкерлерінің сауатты іс-әрекеттері мен нақты нұсқаулықтарының арқасында барлық балалар мен қызметкерлер ғимараттан сәтті эвакуацияланды.

         Мұндай оқу-жаттығуларды өткізу тәрбиеленушілер мен балабақша қызметкерлерінің төтенше жағдайлар кезінде дұрыс әрекет ету дағдылары мен білімдерін қалыптастыруға ықпал етеді.