15 маусымда жоспарға сәйкес «Ақниет» балабақшасында МДҰ-ның қызметкерлері мен тәрбиеленушілері арасында төтенше жағдайларды жою бойынша дағдыларды қалыптастыру мақсатында өрт сөндіру оқу-жаттығуы өткізілді.

Өмір тосын сыйларға толы болады, баланы қиын жағдайда сабырлы болуға, одан шығу жолдарын іздеуге үйрету маңызды болып табылады.Мектепке дейінгі ұйымның негізгі міндеттерінің бірі - оқыту үдерісі кезінде барлық қатысушылардың қауіпсіздігін қамтамасыз ету.

Дауыстық дабыл сигналы бойынша балалардың балабақша аумағына шығуы жедел және кедергісіз ұйымдастырылды.Балабақша қызметкерлерінің сауатты әрекеттері мен нақты нұсқауларының арқасында барлық балалар мен қызметкерлер қауіпсіз жерге көшірілді.

Барлық топтарда балалар алдын ала өрт қауіпсіздігі бойынша әңгімелесті, өрт сөндіру бойынша мамандықтармен таныстырылды, кездейсоқ жануға әкелуі мүмкін адамдардың іс-әрекеттері, олардың денсаулықтары қауіптіліктері туралы, өрттен, түтіннен зардап шекпеу үшін мұндай жағдайларда өзін қалай ұстау керектігі туралы түсіндірілді.Эвакуация дүрбелеңсіз өтті, қызметкерлер барлық әрекеттерді сауатты орындады.