2018 жылдың 23 ақпанында "№54жалпы білім беретін орта мектеп" КММ қазақ тілі мен әдебиеті пәні мұғалімі Қасымжанова Зулфия Зарыкбайқызының"Ұстаздық еткен жалықпас..." тақырыбында шығармашылық кеші өтті.  Кештің ашылу салтанаты мектеп директорының оқу- тәрбие ісі жөніндегі орынбасары Талдыбаева Панаш Секенқызының және Қарағанды қалалық білім бөлімінің әдіскері Жаркеева Гүлназ Бекетқызының алғы сөзімен ашылды. Мұғалімнің іс-тәжірибесін тарату мақсатында көрме ұйымдастырылды.  9-сыныппен өткен "Алашорда әдебиетінің тәуелсіздік үшін күресі" тақырыбындағы "Іс-әрекеттегі зерттеу" түрінде сабақ өткізді. Сабақ топпен жұмыс түрінде өтті. Сабақта қолданылған әдіс-тәсілдер: "FILA", "Мәселелерді зерттеу ағашы", "Себеп-салдар айналмасы", "5 проблемалық сұрақ және жауап". Сабақ барысында мұғалімнің сөйлеу  мәнері мен оқушыларды қызықтыра білуі және рухани, тарихи деректерді бере білуі барлық мұғалімге әсер қалдырды. Сабақтан шыққан мұғалімдерді аталған мектептің қазақ тілі мен әдебиеті пәні мұғалімі Базарбаева Махабат Ашимхановна "Жетістікке жету өз қолыңда" атты TED конференция өткізді. Конференция мынадай  кезеңдерден тұрды.

1. Оқытудағы мен оқудағы мәдениет.

2. Оқытудағы көшбасшылық.

3. Оқыту мен оқудағы маңызды құндылықтар.

4. Мінсіз оқушы бейнесі.

5. Дизайнерлер мен актерлер.

Жалғасы "Ұстаз - ұлы тұлға" тақырыбындағы шығармашылық кезеңге ұласты. Кеш қонақтары жүрекжарды лебіздерін, тілектерін білдірді. Қарағанды қалалық білім бөлімінің әдіскері Жаркеева Гүлназ Бекетқызының және мектеп директоры Сыздыкова Асем Төкенқызының құттықтауларынан басталған кештің көркін оқушылардың шығармашылығы қыздыра түсті. Мектепішілік "Шамшырақ" жасөспірімдер театрының қойған М. Шахановтың "Әке үкімі" қойылымы өте керемет әсер қалдырды. Кештің өз деңгейінде өтуіне атсалысқан мектептің қазақ тілі мен әдебиеті пәні мұғалімі Иманбеков Қайрат Берікболұлының арнауы, кеш жүргізу мәнері, сөз саптауы - бәрі тамаша өтті.