24 қыркүйек күні мектебімізде "ҰБТ қорытындысына талдау жасау, дайындық жұмысын ұйымдастыру, жоспарлау" тақырыбында қалалық семинар өтті. Семинарды қалалық білім бөлімінің әдіскері Аймағанбетова Г.К. мен мектебіміздің директоры Молтакова А.А. ашты. Семинар барысында бірлестік жетекшісі Қасымжанова З.З. "ҰБТ қорытындысына талдау жасау, дайындық жұмысын ұйымдастыру, жоспарлау" тақырыбында баяндама жасады. Сондай - ақ, ҰБТ - ге дайындау жолдары бойынша өз іс-тәжірибесімен бөлісті. Талаптарымен, ерекшеліктерімен, әр кезеңмен диагностика жасады.
Сонымен қатар, №93 гимназияның мұғалімдері Кубекова Қ.Т. және Мойылбекова Р.А. "Оқушыларды ҰБТ - ге дайындау жолдары мен нәтижеге қол жеткізу" тақырыбында іс-тәжірибелерін ортаға салды. Талдау түрлерімен таныстырып, әріптестеріне көп мағлұмат бере білді.

Семинардың екінші кезеңінде "PIZA бағдарламасының оқушыларды ҰБТ-ге дайындауда тигізетін ықпалы" тақырыбында практикалық жұмыс жүргізілді.    Үшінші кезеңде №54 орта мектеп мұғалімдері ашық сабақтар көрсетті. Атап айтсақ, Сакенова М.К. 11- сынып оқушыларымен грамматика саласы бойынша "Қазақ ұлты-қонақжай халық"тақырыбында өзін - өзі тану пәнімен ықпалдастырылған практикалық жұмыс көрсетті. Үш айлық курстың  үшінші деңгейін оқып келген Сулейменова Р.С. 5-сынып оқушыларымен "Отбасы" тақырыбында деңгейлік тапсырмалармен топтық жұмыс көрсетті. Кенетаева Н.К. 6- сынып оқушыларымен "Досымның отбасы" тақырыбында саяхат сабақ өткізді. Семинарға қатысқан мұғалімдер ашық сабақтарды "өте жақсы" деп бағалады.         

Төртінші кезеңде ӘБ жетекшісі Қасымжанова З.З. арнайы сабақ талдау әдістерін пайдалана отырып, семинарды қорытындылады. ҚББ әдіскері Аймағанбетова Г.К. қала мектептерінің мұғалімдеріне өз тарапынан  жұмыс түрлерін нақтылап, семинарды қорытындылады.