2026 жылғы 30 қазанда «Демалыс» жедел-профилактикалық іс-шарасы аясында Әлихан Бөкейхан атындағы полиция бөлімінің ювеналды полиция қызметкерлері мен білім беру ұйымдарының жауапты мамандары бірлесіп, полиция бөлімінің қызмет көрсету аумағында рейдтік іс-шара өткізді.

 

Рейдке Ж. Тәшенев атындағы мектептің тәрбие ісі жөніндегі директордың орынбасары Сүлейменова Гүлнар Райханқызы, Жақып Ақбаев атындағы жалпы білім беретін мектептің әлеуметтік педагогі Баймағанбетова Аяулым Қайыржанқызы, тәрбие ісі жөніндегі директордың орынбасары Қуандық Бөгенбай Нұрсұлтанұлы және Әлихан Бөкейхан атындағы жалпы білім беретін мектептің педагогі Төлепбеков Нұрлан Төлеуханұлы қатысты.

 

Іс-шараның негізгі мақсаты – кәмелетке толмағандардың түнгі уақытта заңды өкілдерінің еріп жүруінсіз қоғамдық орындарда болу фактілерін анықтау, сондай-ақ сағат 22:00-ден кейін ойын-сауық орындарында (компьютерлік клубтарда, ойын залдарында, кинотеатрларда және басқа да көңіл көтеру орындарында) жүруінің алдын алу және жолын кесу.

 

Сонымен қатар, сағат 23:00-ден кейін кәмелетке толмағандардың заңды өкілдерінің еріп жүруінсіз тұрғын үйден тыс жерде болуын анықтау, жасөспірімдермен және олардың ата-аналарымен профилактикалық түсіндіру жұмыстарын жүргізу, Қазақстан Республикасының қолданыстағы заңнамасының талаптарын түсіндіру жұмыстары жүзеге асырылды.