Мектебімізде «Заң және тәртіп» тұжырымдамасы аясында қыздар мен ұлдарға арналған «Тәрбиелі ұрпақ- жарқын болашақ» тақырыбында тәрбиелік жиын өткізілді.

 Жиынның басты мақсаты: Оқушылардың құқықтық сауаттылығын арттыру, тәртіп пен жауапкершілікті қалыптастыру, мектеп ережелерін сақтауға шақыру және қауіпсіз, қолайлы білім беру ортасын нығайту. Жиын барысында оқушыларға мектептің ішкі тәртіп ережелерін сақтау, мектеп формасын талапқа сай кию, сабаққа уақытылы қатысу, үлкенге құрмет, кішіге ізет көрсету және өзара сыйластық мәдениетін қалыптастыру мәселелері түсіндірілді. №11 емхананың дәрігері қыз балаларға жеке бас гигиенасы, денсаулықты сақтау, салауатты өмір салтын ұстану және өз денсаулығына жауапкершілікпен қарау жөнінде түсіндірме жұмыстарын жүргізді. Сонымен қатар оқушылар арасында әдептілік пен жауапкершілікті арттыру, буллингтің алдын алу, қоғамдық орындарда және мектеп қабырғасында өзін дұрыс ұстау, әрбір әрекетіне жауапкершілікпен қарау жөнінде маңызды әңгімелер қозғалды. 

Жиынға Әлихан Бөкейхан ауданы полиция бөлімінің бастығының орынбасары, полиция полковнигі Бакенов А.Ж.; Әлихан Бөкейхан атындағы ауданның аға инспекторы, полиция майоры Жошина А.Ж.; Әлихан Бөкейхан атындағы полиция бөлімінің кәмелетке толмағандар істері жөніндегі учаскелік полиция инспекторы, полиция капитаны Бокаева Г.С; полиция аға лейтенанты Исакасов Ж.Е.; полиция майоры Мақсұт Е.С.; мектеп директоры Смагулов Б.А., директордың ТЖ орынбасары Рымбекова А.Б., мектеп психологтары Хажат Т., Малунович А.А. қатысты.

Тәртіп – талаптан, мәдениет – тәрбиеден, ал жарқын болашақ жауапкершіліктен басталады!