Бүгін мектебімізде оқушылардың бойында отаншылдық рухты асқақтату мақсатында «Ерлік сабағы» өтті. Жиынның басты қонағы — Тәжік-Ауған шекарасындағы қарулы қақтығыстың ардагері Мусалиманов Талғат Құсайынұлы болды.

Кездесу барысында Талғат Құсайынұлы бейбіт күннің қадірі, Отан алдындағы қасиетті борыш және жауынгерлік бауырластық туралы сыр шертті. Сарбаздардың шекара шебінде көрсеткен қайсарлығы мен ерен ерлігі туралы естеліктер оқушылардың жүрегіне терең ұялады.

Жас ұрпаққа үлгі боларлық осындай тағылымды кездесу үшін құрметті ардагерімізге алғысымыз шексіз! Ер есімі — ел есінде!

#ЕрлікСабағы