«Мың бала» республикалық мәдени-ағартушылық жобасы аясында қазақ поэзиясының мұзбалағы, көрнекті ақын Мұқағали Мақатаевтың туғанына 95 жыл толуына орай мәнерлеп оқу сайысы ұйымдастырылды.

Ақынның сырлы да сезімге толы жырларын жүрекпен жеткізу – үлкен жауапкершілікті талап ететін өнер. Осы айтулы шараға 9 «В» сынып оқушылары Анарбаева Алуа мен Бекберген Сетергүл белсенді қатысып, өз өнерлерін жоғары деңгейде көрсетті.

Оқушылар Мұқағали Мақатаевтың терең ойлы, сырлы да әсерлі өлеңдерін мәнеріне келтіріп, көркем әрі жүрекжарды орындау арқылы өздерінің шығармашылық қабілеттерін таныта білді. Ақын жырын жүрекпен оқып, оның поэзиясындағы нәзік сезім мен терең ойды тыңдарманға әсерлі жеткізді.

Өнерлі өрендерімізге шығармашылық шабыт, толағай табыс, биік белестер мен жаңа жеңістер тілейміз!

Мұқағали жырлары жүректеріңізге мәңгілік рухани нәр берсін!

Жетекшісі: Сүлейменова Риза Сүлейменқызы