«Жас ұлан, Жас қыран»
Желтоқсанның 13-ші жұлдызында мектебімізде «Жас қыран, Жас ұлан» ұйымына қабылдау рәсімі болды. Ұйымға оқуда озат, бармағынан бал тамған өнерлі оқушылар мен мерекелік іс-шараларға белсене қатысып жүрген шәкірттер қабылданды. «Жас қыран» қатарына қабылданушы бастауыш сынып оқушылары болса, «Жас ұланға» 5,6,7 сынып оқушылары қабылданды. Ұстаздар қауымы мен ата-аналар жиылған кеште, салтанатты түрде Қазақстан Республикасының Туы кіргізіліп, әнұраны шырқалып, ұйым қатарына қабылданушылар ант беру рәсімі болды. Ұстаздар қауымы озат шәкірттердің кеудесіне үміт отын жағып, төсбелгі тағып,  мойындарына Туымыз түстес галстук байлады.  Бұл озат оқушылардың күнделікті оқуда өзгеден озат екенін, өзгеде оқушыларға үлгі боларлығын білдіріп, елі мен жерін сүюге тәрбиелейтін сенім еді. Кештің соңы Қазақстан Республикасының Тәуелсіздік күніне арналған мерекелік концертіне ұласты.