№54 жалпы білім беретін орта мектеп  «Өзін-өзі тану» пәнімен кіріктірілген және толерантты білім беру ортаны қалыптастыру бойынша пилотты мектептердің бірі болып отыр. Біз мұғалімдердің кәсіби шеберлігін, ата-ананың біліктілігін арттыратын жоба, әзірлеп отырмыз. Бұл жобаның аясында мектебімізде  «Апашкалар клубы» өз жұмысын бастады. Аталған клубтың бір саласы ретінде «Меймандар бөлмесі» және «Мектеп және отбасы»  клубтары жұмыс жасайды. Ата-ананың біліктілігін арттыру мақсатында білікті педагогтар мен ата-аналар бірлесе отырып «Меймандар бөлмесіне»  түрлі салалардағы мамандар бала тәрбиесіне қатысты өзекті мәселелер төңірегінде ой бөлісіп, күрделі сұрақтардың  күрмеуін  шешудің жолдарын қарастырып, кеңес береді.

   11 қараша күні  «Меймандар бөлмесі» клубына Отбасылық тәрбиелеу орталығының  әдіскері  Салтанат  Жұмабаевна  шақырылды. Әдіскер  «Отбасындағы қарым – қатынас, ұлттың мәдениеті мен салауаттылығын сақтау шарттары» тақырыбында тренинг сабақ өткізді.