Қазаннын 9-жұлдызында №54 жалпы білім беру мектебінде «Өлең өлкесінде» атты адеби шығармашық кеш өтті. "Әсемдікке баулу" бірлестігінің  сыныптан тыс жұмыстар он күндігі аясындағы кешке поэзия майталмандары, қара өлеңнің қаймағы, қаламы қарымды ақындар келді. Қара шаныраққа ат басын бұрып келген ақындар Қазақстан жазушылар Одағының мүшесі, Халықаралық «Алаш» сыйлығының егері, атақты « Ақтоғай»  вальсінің авторы, бірнеше жыр-жинақтардың авторы- Абзал Бөкен, халықаралық «Шабыт» фестивалінің лауреаты Қайрат Асқар, Мирас Асан, «Төлеген Айбергенов, Бұқар жырау, Нұрлан Маукенұлы» атындағы сыйлықтың иегері Иляс Мұқай, республикалық «Қасым» журналының әдеби қызметкері Асхат Қажытай және «Сынық айна» жыр жинағының авторы Ерболат Қуатбектер еді. Әдеби кешті мектеп директоры Молтакова Алмагүл Алданышқызы ашып беріп, ақындарға рахметін жеткізіп, Абзал ақынның иығына шапан жапты. Келесі кезекте ақындар сахна төріне көтеріліп, өлең оқыса, мектеп оқушылары сол ақындардың өлеңін мәнерлеп оқып, кеш қызығын әрмен қарай өрбітті. Ән айтылды, әдемі күй тартылды. Сыр сұхбат айдарында ақын ағалар мектеп окушыларымен сыр бөлісті. Кеш соныңда арда азаматтарға мектеп директорының тәрбие ісі жөніндегі орынбасары Исаханова Марал Шайкеновна сөз сөйлеп шынайы рахметін айтты. Осы кештің өтуіне бірлестік жетекшісі Комарова Гулпану Қоңыртайқызы, әдебиет пәнінің мұғалімдері Базарбаева Махаббат, Қасымханова Зүлфия мұғалімдер ат салысты. Кешті ұйымдастырушы музыка пәнінің мұғалімі, ақын республикалық «Естай» атындағы сыйлықтың иегері жас маман Иманбеков Қайрат Берікболұлы мәйекті сөздерімен кешті қортындылады. Ақын ағаларымыз бір-бір қол жазбаларын яғни өз кітаптарын мектеп кітапханасына өз қолдарымен табыс етті.  

                                                                             Қайрат Иманбек