2022жылдың желтоқсан айының 07күні "Ж.Тәшенев атындағы ЖББМ" коммуналдық мемлекеттік мекемесінде "Балалар жылы" және ҚР Тәуелсіздік күніне, "Алаш Орда " автономиясының құрылуына 105 жыл толуына орай "Өнегелі өмір" жобасы аясында "Ұрпақтар үндестігі" тақырыбында зиялы қауым өкілдерімен кездесу ұйымдастырылды. Іс-шараға қаламыздың белгілі азаматтары шақырылды.
1.ҚР білім беру ісінің үздігі, Ы.Алтынсарин төсбелгісінің иегері, Қазақстан халықаралық журналистер одағының мүшесі, БҰҰ-ның Қазақстандағы филиалының"Ұлт мақтанышы" медалінің иегері, әлихантанушы ұстаз- Тілеуғалы Әміртайұлы;
2. "Құрмет белгісі" ордені, "ҚР білім беру ісінің үздігі", "Ы.Алтынсарин" төсбелгісінің иегері, Ақтоғай ауданының Құрметті азаматы,қоғам қайраткері, публицист - Мұқан Тұңғышбай Өміртайұлы;
3. Қарағанды облыстық ғылыми -техникалық құжаттама мұрағатының басшысы, тарихи-өлкетанушы, Облыстық ономастика комиссиясының мүшесі, "Қарағанды облысының топонимикалық картасы" зерттеу жобасының ғылыми жетекшісі - Аршабеков Темірғали Тілеубекұлы;
4. Жергілікті өлкетанушы, шежіреші. Қырғыз Республикасына барған "Кенесары" экспедициясының құрамында зерттеу жұмыстарымен айналысқан - Аңғар Смағұлов,
5. Қарағанды облысы білім беруді дамытудың оқу - әдістемелік орталығының әдіскері - Казиева Ансаган Алпысбаевна
6. Қарағанды білім бөлімінің әдіскері - Шуга Абдирбаева Мусилимовна
Осы жобаның мақсаты: жасөспірімдер арасында Алаш зиялыларының шығармашылық мұрасын насихаттау;
қоғамға қосқан үлесі туралы білімдерін кеңейту;
адамгершілікке, отансүйгіштікке тәрбиелеу; кітап оқуға баулу, шығармашылық қабілеттерін дамыту. Кешімізді мектебіміздің "Диля" би ансамблі "Аққу" биімен ашты, оқушыларымыз белгілі тұлғаларға сұрақтар қойып, қонымды жауаптар алды. Кеш барысында "Тәуелсіздік -Алаш ұрпағы" қалалық патриоттық әндер байқауының 3 орын жүлдегері 4"Б" сынып оқушысы Рымбаева Айым "Мәңгілік ел" әнін шырқады және мектеп оқушылары поэзия әлеміне сыр шертті. Кешті 7 сынып оқушылары мен мектеп мұғалімдері "Туған жер" әнін хормен қорытындылады. Осы жоба аясында мектебіміздің кітапханашысы "Алаш зиялылары" атты кітап көрмесіне белсене ат салысты.
#алашавтономиясына105жыл
@goroo_krg
@obb_qaragandy
@umckrq
Авторство:
