"№61 ЖББОМ" КММ оқыту қазақ тіліндегі сыныптарда және орыс тілді 1-11 сыныптарда қазақ тілі пәні мұғалімдерімен сабақ жоспарын құру жайлы пікірлесу - кеңесі өткізілді. 

      Мектеп ұстаздарына сабақ жоспарын құрудың жалпы ережесінің жобасы ұсынылды.

І. ЖАЛПЫ ЕРЕЖЕ жобасы

Берілген ЕРЕЖЕ жобасы      Оқу жоспары оқыту қазақ және орыс тілдерінде жүргізілетін сыныптар үшін (мектепалды дайындық тобы, бастауыш саты,   5 – 11  сыныптар үшін)  Қазақстан Республикасының бастауыш, негізгі орта және жалпы орта білім берудің мемлекеттік жалпыға міндетті білім беру стандартының (27.07.2007ж. ҚР «Білім туралы заңының» 56 бабына сәйкес, ҚР Үкіметінің 23.08.2012ж. №1080 қаулысы негізінде ) үлгілік оқу жоспары (ҚР 08.11.2012ж. №500 бұйрығының 1 қосымшасымен бекітілген ) негізінде,  мектеп уставында көрсетілген ішкі тәртіп ережелері ескеріліп құрылған.

          Сабақ жоспары – сабақта мұғалімнің оқу-тәрбие жұмысындағы еңбегін айғақтайтын, әр пәннен оқушылардың білім – білік, дағдыларын оқу бағдарламасына сәйкестіндіретін  құжат.

1.1.         Сабақ жоспарының әр сабақта болуы  және мектептің ішкі тәртіп ережелерінде жазылғандай мұғалім оны оқу жылы соңына дейін сақтауға міндетті.

1.2.          Сабақ жоспары оқу бағдарламасы мен күнтізбелік-тақырыптық жоспарға сай құрылады.

1.3.          Сабақ жоспарының негізгі міндеттері:

·        Оқытылатын тақырыптың алатын орны;

·        Үш мақсаттың бірізділігі;

·        Оқу материалының топтастырылуы және жүйелілігі;

·        Оқу материалын меңгертуде тиімді әдіс-тәсілдерді оқытылушылардың танымдық еңбегін ұйымдастыруға бағыттау.

ІІ. САБАҚ ЖОСПАРЫНЫҢ ҚҰРЫЛЫМЫ

2.1.          Сабақ жоспарының негізгі компоненттері болып табылады:

-         Мақсаттылығы: сабақ құрылымы және оның кезеңдері оқытылушылар алдына қойылатын мақсатты айқындау;

-         Коммуникативтілігі: мұғалімнің сыныппен байланыс деңгейін анықтау;

-         Мазмұндылығы: материалдың дұрыс таңдалуы (бекіту, қайталау, өздік жұмыс т.б.);

-         Технологиялылығы: оқытудың әдіс-тәсілдерін дұрыс таңдау;

-         Бақылау-бағалау:  бағалауды оқушылардың белсенділігі мен танымдық қызығушылығын дамытуға бағыттау.

2.2.          Әр сабақта негізгі және үш мақсаттылықты белгілеу міндетті.

2.3.          Үш мақсаттылық  төмендегідей аспектілерді белгіледі:

·        Білімділік: оқушыларды білім-білік, дағдылармен қамту;

·        Тәрбиелілік: жалпыадамзаттық, адамгершілік құндылықтарды бағалау, оқушылардың дүниетанымын қалыптастыру;

·        Дамытушылық:  оқушылардың тыңдау, сөйлеу, шығармашылық, танымдық,  ойлау қабілеттерін  дамыту.

2.4.          Сабақ жоспарлау кезеңдері:

    Сабақ түрі мен құрылымын белгілеу;

    Тірек болатын білімді сабақ мазмұнында белгілей білу;

    Ең басты түйінді материалды оқушылардың түсінуі және жадында сақтауы;

    Сабақтың өн бойында және әр кезеңінде сабаққа тиімді әдіс-тәсілдерді, технологияларды таңдау;

    Өз бетінше жұмыс істеуді ұйымдастыру (міндетті түрде мысалға, жеке жұмыс карточкасының нөмірін көрсету);

    ББД тексерілетін оқушылардың тізімі;

    Үй тапсырамысынң көлемін және түрін алдын ала ойластыру (үй тапсырамысн түсіндіру, шығармашылық тапсырма);

    Сабақты қорытындылау, рефлексия түрлерін  ойластыру.

Сабақтың табысты өткізілуіне әсерін тигізуде ескерілетін ережелер:

ØСынып оқушыларының жас ерекшеліктерін және психологиялық ерекшеліктерін, олардың білім деңгейін, сонымен қатар жалпы сынып ұжымының ерекшеліктерін ескеру, есепке алу;

ØӘр түрлі оқу материалдарын таңдау, олардың мақсаттары келесідей болуға тиіс: жаңа материалды білу, айтып беру, ұқсас жағдайда білімін пайдалану, таныс емес жағдайда білімін пайдалану, білімге шығармашылық тұрғыда келу;

Ø«Жеңілден  күрделіге» принципіне сай оқу тапсырмаларын дифференциалдау;

ØОқушылардың танымдық қызығушылықтарын дамытудың әдіс-тәсілдерін анықтау – сабақтың «негізгі сәттері» (қызықты факт, әсерлі тәжірибе және т.с.с.);

ØПедагогикалық техника әдістерін ойластыру.

ІІІ. САБАҚ ЖОСПАРЫН БЕЗЕНДІРУ

3.1. Сабақ жоспары конспект түрінде безендіріледі.

3.2. Сабақ жоспарының конспектісі екі негізгі бөлімнен тұрады: формальды және мазмұнды.

3.3. Конспекттің формальды бөліміне кіреді:

 - тақырып бойынша  сабақтың нөмірленуі;

 - сабақтың тақырыбы;

 - сабақтың негізгі және үш мақсаттылығы;

- құрал-жабдықтар, АТҚЖ

3.4. Конспекттің мазмұндық  бөліміне сабақ кезеңдерінің сипатталуы, сабақтың тақырыбы, бірізділігі және нақты пәнге байланысты мазмұны кіреді.

3.5. Сабақ жоспарындағы сабақ кезеңдерінің және оның мазмұнының жобалы тізімі:

Сабаққа тірек білімді пысықтау (түсінік, ереже, заң, жаңа тақырып қабылдауға дайындық, сабаққа қызығушылығын арттыру жұмыстары)

1.     Жаңа білімді меңгеру (жаңа түсініктер, заңдар және оны меңгерту әдістері; сабақтың танымдық оқу тапсырмаларын, яғни, оқушылардың нені біліп, нені меңгеру керектігін анықтау; өзіндік жұмыс және оның мазмұны; мәселелік және ақпараттық сұрақтар; мәселені шешу нұсқалары; меңгерілген материалды бекіту нұсқалары).

2.     Білік және дағдыны қалыптастыру (жұмыс істеуге  нақты білік және дағды; ауызша және жазбаша өзіндік жұмыс және жаттығулар түрі; оқушылармен «кері» байланыс әдістері; сұралатын оқушылардың  аты-жөні).

3.     Үй тапсырмасы (сабаққа нені дайындау және нені қайталау; шығармашлық өзіндік жұмыс; үй тапсырмасының көлемі және орындау мерзімі, үй тапсырмасының түсіндірілуі)

3.6.          Сабақ жоспарының конспектісінің мазмұндық бөлімінде міндетті түрде сабақтың тәрбиелілік міндеттерінің  шешімі (тәрбиелік мақсатқа сай) туралы ескерту болу керек. Мұғалім ескерту вербальды формада, немесе жеке бағанда оң жағынан белгілер арқылы жасайды.

3.7.          Мұғалім сабақ жоспарының конспектісінің мазмұндық бөлімінің көлемін және оны безендіру формасын өзі анықтайды.