Біздің ардагерлер
Абдульманова Татьяна Андреевна
1929 жылы 11 наурызда Латвияға жақын орналасқан Себешь қаласында дүниеге келген. Фашистердің қоршауында қалған соғыстың алғашқы күндерінде әкесі қаза табады. Партизандармен байланысы үшін немістер Таняның шешесін бес баласымен атып тастады, ал Таня болса аман қалып, партизандар отрядында болды.Себешті жаудан босатқаннан кейін Таня госпитальда жұмыс істеп, жарақаттанған жауынгерлерге көмек көрсетті. Құрметті соғыс және еңбек наградалары бар. Барлығы 11 наградасы бар.
Патрина Наталья Андреевна
1923 жылы 4 қыркүйекте Чуваш АКСО, Алатырь қаласында дүниеге келген. 1942 жылы 10-сыныпты бітірді. Мектепті аяқтағаннан соң 10 күннен кейін Наталья Андреевнаны әскер қатарына шақырды. Ол тек 18 жаста еді. Байланысшыға 2 ай оқып, әрекет етуші әскерге аттанды. Воронеж қаласынан бастап, 3 жыл бойы майданда соғысты. Украина, Бессарабия, Румыния, Венгрия, Югославияны өтіп, соғысты Австрия астанасы Венада аяқтады. Наталья Андреевнаның «Жауынгерлік еңбектері үшін», «Ұлы Отан соғысы» ордендері және 10 медалі бар. Наталья Андреевна соғыстан кейін Қарағандыға көшіп келді. Мұнда ол Индустриялық-педагогикалық техникумға, оқу бөлімінің хатшысы болып жұмысқа орналасады.
Плешаков Николай Максимович
1925 жылы 19 желтоқсанда Павлодар облысы, Өртелі ауданы, Абай колхозында дүниеге келген. Соғысқа дейін колхозда механизатор болып жұмыс істейді. 1942 жылы қаңтар айында әскер қатарына шақырылып, Павлодар облысының әскери комитеті оны Қиыр Шығысқа бағыттайды. Николай Максимович 40-дивизия құрамында соғысты. Мұнда белсенді әскери әрекеттер 1945 жылдың 9 тамызынан 2 қыркүйегіне дейін жалғасты. «Жапонияда жеңіске жеткені үшін» медалімен, «Ұлы Отан соғысындағы Жеңісі» медалімен, мерейтойлық медальдармен марапатталды. 1949 жылы әскер қатарынан оралып, Қарағандыға келді. Федоровка кентінде көмір разрезінде, кейін құрылыста жұмыс істейді. Соңғы 28 жылда Ет комбинатында жұмысшы болып еңбек етеді.
Бабаян Сергей Григорьевич
1925 жылы 18 ақпанда Таулы Карабахта дүниеге келді. 1943 жылдың ақпан айында әскер қатарына шақырылды. Солтүсттік Осетияның полк мектебінде қызмет етті, кейін оны Пензаға алып кетті, Пензадан Белоруссия майданына аттанды. Польшада 3-ші рет жарақат алып, госпитальға жіберілді. 1944 жылдың тамызында үйге оралды. «1 дәрежелі отан соғысы» орденімен, «1941-1945 жж. Ұлы Отан соғысындағы жеңіске 40 жыл», «Белоруссияны азат еткен үшін», «1941-1945 жж. Ұлы Отан соғысындағы жеңіске 30 жыл», «1941-1945 жж. Ұлы Отан соғысындағы жеңіске 60 жыл», «1941-1945 жж. Ұлы Отан соғысындағы жеңіске 50 жыл», «Жуков» медальдарымен мараптталды.
Чукин Николай Васильевич
1927 жылы 1 қарашада Мәскеу қаласында дүниеге келді. Тылда қызмет еткен.
Деменьтьева Екатерина Семёновна
1926 жылы 7 ақпанда дүниеге келді. Ұлы Отан соғысына қатысқан. 1942 жылы, 12 жасында Воронеж облысына жіберілді. 1946 жылы госпитальда жұмыс істеді. Бірінші Сталин орденімен (1946), Даңқты Адал еңбегі үшін орденмен, сондай-ақ жеті медальмен марапатталған.
