Мақсаты:Оқушыларға Тәуелсіз Қазақстан Республикасының өткені мен болашағы, даму тарихы туралы мағлұматтар беру.
Міндеттер:
-Оқушыларды еліміздің тәуелсіздік алған жылдар ішіндегі жеткен жетістіктерімен таныстыру;
-Келешекке сеніммен қарауға, елжандылыққа, ұлтын сүюге, қастерлеуге үйрету;
-Болашақ ұрпақтың рухани құндылық және адамгершілік құндылықтарын қалыптастыру;
Көрнекілігі:Н.Ә.Назарбаевтың сөзі жазылған плакат, Тәуелсіздікке қатысты суретті плакаттар.
Барысы:
1.Қ.Р-ның мемлекеттік әнұраны орындалады.
2.Шаттық шеңбері
Сәлемдесу
Сәлем бердік алтын күн
Сәлем бердік көк аспан
Сәлем бердік жер ана
Сәлем бердік достарым.
3.Кіріспе
-Балалар, біздің Отанымыз қалай аталады?
-Қ Р президенті кім?
-Таяуда қандай мерекелерді қарсы алдық?
-Бүгін қандай мереке?
Қазақстан Республикасы 1991 жылы 16 желтоқсан да өзінің тәуелсіздігін жариялап, дербес мемлекет болды.Ол бүгін де дүние жүзінің көптеген елдерімен байланыс орнатқан, бүкіл әлем таныған елге айналды.Біз өзіміздің Әнұранымызды, Туымызды, Төл теңгемізді басқа елдерге мақтаныш етеміз. Қазақстан Туымен -тұғырлы, Елтаңбасымен -еңселі, Әнұранымен- айбатты.
4.Негізгі бөлім
Сұрақ-жауап әдісі арқылы көрнекіліктерді пайдалана отырып оқушыларға ұлттық рәміздер, ел шежіресі туралы ақпараттар беру
Еліміздің өзіне тән Туы, Елтаңбасы, Әнұраны бар. Әнұранымыздың авторлары: Ш.Қалдаяқов, Ж.Нәжмединов, Н.Назарбаев Қазақстан Республикасының Мемлекеттік туы көгілдір түсті. Онда алтын күн бейнесі шарықтай ұшқан дала қыраны және ұлттық ою-өрнек нақышталған тік жолақ бар. Тудың көгілдір түсі – бұлтсыз ашық аспан, бейбітшілік белгісі. Күннің нұр шұғыласы – байлық пен берекенің, тыныштық пен жылылықтың белгісі. Қыран бүркіт – Тәуелсіздік белгісі. Өрнек – салт дәстүріміздің белгісі. Мемлекеттік тудың авторы Шәкен Ниязбеков.Қазақстан Республикасының Елтаңбасының бастысы – шаңырақ. Шаңырақ – киіз үйдің күмбезі. Ол күн бейнесін ал уықтар одан тарап жатқан алтын сәулелері. Қазақта «Ат – адмның қанаты» деген мақал бар. Елтаңбадағы тұлпар бейнесі дала пырағы оның шапшаңдығы ер жігітті тәуелсіздікке жетелейді. Бес бұрышты жұлдызы - әр адамның өміріне бағдар беретін өз жұлдызы сияқты. Күн мен айды, жұлдызды кие тұтатын халқымыз «Жұлдызың жарқырай берсін» деген асыл арманын айтып тұрғандай.
Біздің алға қойған мақсатымыз: өткенімізді білетін, бүгінді түсінетін, ертеңімізге сеніммен қарайтын азамат болу.
Енді ең басты бақытымыз тәуелсіздік жылдарының шежіресіне ой жіберелік.
Қазақстан жоғарғы кеңесі 1991жылы 16-желтоқсан да Қазақстанды Тәуелсіз Республика деп жариялады.
1991 жылы 10-қазан қазақ халқының тұңғыш ғарышкері Тоқтар Әубәкіров ғарышқа самғады.
-1992жылы маусым айында Тәуелсіз Қазақстан ел рәміздері: Туын, Әнұранын,Елтаңбасын қабылдады.
-1993 жыл қарашаның 15күні Қазақстан Республикасының ұлттық ақшасы теңге айналымға енді.
- Екінші қазақ ғарышкері Талғат Мұсабаев Союз ТМ6 ғарыш кемесімен көкке самғады.
-1995жыл тамыздың 30да Референдунда ұсынылған жаңа Ата Заңымыз бір ауыздан қабылданды.
-6 маусымда ел Астанасы Ақмола қаласына көшті.
-1999жыл 10қаңтар Президент сайлау нәтижесінде Н.Ә.Назарбаев 7-жыл мерзімге Қазақстан Республикасы Президенті болып қайта сайланды.
-2007жыл Әнұранның мәтіні өзгертілді.
-2011жылы 3сәуірде кезектен тыс Президенттік сайлау болып өтті. Халық қалауы Елбасы Н.Ә.Назарбаев болды.
- Еліміздің Президенті Назарбаев атамыздың Тәуелсіздігіміздің келешегі жолында жүзеге асырып жатқан жұмыстарын толық қолдаймыз.
-Тәуелсіз ел тірегі-білімді ұрпақ Нұрсұлтан ата елімізде бірде-бір бала оқымай қалмауы керектігін басты назарға алды.
5.Шығармашылық тапсырма
«Менің Отаным - Қазақстан» тақырыбында сурет салу
6.Қорытынды
«Жүректен-жүрекке шеңбері»
Еліміздің Президенті Назарбаев атамыздың Тәуелсіздігіміздің келешегі жолында жүзеге асырып жатқан жұмыстарын толық қолдаймыз.
Тәуелсіз ел тірегі-білімді ұрпақ. Нұрсұлтан ата елімізде бірде-бір бала оқымай қалмауы керектігін басты назарға алды.
Жақсыдан үйренейік
Жаманнан жиренейік
Қазақстанның ең бақытты, ең ақылды,ең білімді азаматы болайық!
№82 жалпы білім беру орта мектебі
ЕЛ ТӘУЕЛСІЗДІГІНЕ –
20 ЖЫЛ
1 «Ә» сыныбы
Дайындаған: Абугалиева С.Н.
Қарағанды 2011 жыл
