«№38 Гимназия» КММ

ІШКІ ЕҢБЕК ТӘРТІБІНІҢ ЕРЕЖЕЛЕРІ

 1. Жалпы ережелер

Білім беру ұйымының осы ішкі тәртіп Ережелері  (әрі қарай Ережелер): 27 маусым2007ж.ҚР «Білім беру туралы» Заңының  24-7тармақшаның  2тармағы,6бабы, ҚР Еңбек кодексі, 2011 ж. 29 желтоқсанда Әділет басқармасы бекіткен гимназия Жарғысы,1 маусым 2015 жылғы № 29/05Қарағанды облысы әкімдігі бекіткен білім беру ұйымының ішкі тәртіп туралы Типтік ережелері негізінде жасалған.

2. Білім беру ұйымының ішкі тәртіп ережелері

2.1. Жұмыс уақыты мен оны қолдану

1. Гимназияда аптасына 6 күндік жұмыс уақыты мен 1 күн демалыс уақыты бекітілген.  

2. Гимназия қызметкерлері директордың кәсіподақ комитетімен келісілген гимназияның жұмыс тәртібімен, оқу кестесімен және лауазымдық міндеттермен сәйкес жасалған және бекітілген график бойынша жұмыс жасайды.

3. Мұғалім жұмыс орнында сабақтың басталуына 20 минут қалғанда, оқушылар – 15 минут қалғанда болулары керек. Қоңырау соғылғаннан кейін сыныпқа кіру, сабаққа дайындалуоқу тәртібін бұзу болып саналады.

4. Әкімшілік кезекшілікті педагогикалық қызметкерлерге жүктейді. Кезекшілік сабақ басталғанға дейін 30 минут бұрын басталып, ауысым аяқталған соң 30 минутқа  жалғасуы керек. Кезекшілік графигін директор кәсіподақ комитетімен келісе отырып бекітеді.

5. Кезекшілер гимназияда анықталған посттарға  (орындар) бекітіледі де, 1) тәртіпке; 2) тазалық жағдайына; 3) өз аумағы мен жақын маңайындағы эстетикалық көрініске жауапты болады.

6. Кезекшілер оқушыларға талаптар қоюға және оларды орындатуға құқылы. Егер оқушылар кезекшілердің талаптарын орындамаса, кезекшілер тәртіп бұзу туралы ақпаратпен кезекшілікке жауапты адамға немесе сынып жетекшісіне жүгіне алады.

7. Педагогикалық қызметкерлер өзінің оқу жүктемесінің мөлшеріне қарамай, бірақ апталық жұмыс уақыты 40 сағаттан аспаған жағдайда, мектептің барлық іс-шараларына және басқа да қоғамдық шараларға қатысуға міндетті. Оқу сабақтары арасындағы қысқа үзілістер педагогикалық қызметкерлердің жұмыс уақыты болып саналады.

8. Оқытушылардың сағат жүктемелерін гимназия мүмкіндіктері мен мүдделері негізінде қабылданған нормаларға сәйкес гимназия мұғалімдерінің біліктілік сипаттарына қарай гимназия әкімшілігі бөледі.

9. Гимназиядағы оқу сабақтары міндетті түрде оқу жоспарына сәйкес директордың бекітуімен жасалған сабақ кестесі бойыншаөткізіледі.

10. Сабақ кестесін гимназия әкімшілігі оқушылардың оқу материалын неғұрлым қолайлы қабылдаулары мен пәннің күрделілігіне қарай, демалу, еңбек режимі мен Санитарлық ережелер мен нормалар талаптарын орындай отырып жасайды.

11. Мұғалім мен оқушыға әкімшіліктің келісімінсіз сабақты, арнайы курстарды, үйірмелерді, секцияларды т.б.,  өз еркімен сабақ босату, сабақ өткізбеу, ауыстыру, сабақты қысқарту немесе ерте аяқтаулары рұқсат етілмейді

12. Оқу үрдісін үзбеу мақсатында мұғалім себепті жағдайда сабақ өткізе алмаса әкімшілікті алдын ала ескертеді. 

13. Сабақ уақыты тиімді пайдаланылуы керек. Сабаққа қатысушы барлық оқушыларды сабақтан тыс тақырыптарға ауытқуға  рұқсат берілмейді.

14. Мұғалім мен оқушыға сабақ уақытында сыныптан шығуға немесе басқа іспен айналысуға болмайды. Сабақ уақытында мұғалім оқушының өміріне, қауіпсіздігіне және денсаулығына жауапты.

15. Гимназияда мынадай өзіне-өзі қызмет ету жұмыстары қарастырылған: гимназия аумағын тазалау сенбіліктері, оқушылардың жаздық еңбек тәжірибесі (5-10 сыныптар).

16. Өзіне-өзі қызмет етуді сынып жетекшісі жауапты кезекші көмегімен келісе отырып іске асырады. 

17. Сыныпта жеке сипаттағы мерекелерді өткізуге (туған күн т.б.) тыйым салынады.

3. Оқушылардың құқықтары мен міндеттері.

Оқушылар құқылы:

1. Өмірі мен денсаулығына, адамиабыройын сыйлатуға, барлық физикалық, моральдық, психикалық күш көрсету түрлерінен сақтануға,жеке мүлкіне қол тигізбеуге. 

2. Білім беру ұйымындағы құрал-жабдықтарды сабақ кезінде, тәрбиелену процесінде және сабақтан тыс уақытта ақысыз пайдалануға.

3. Оқудағы табыстарына, шығармашылық, интеллектуальдық және спорт қызметтерінде ынталандыру мен сыйлық алуға.

Оқушылар міндетті:

1. Ішкі еңбек Ережелерін, гимназия Жарғысын сақтау, гимназия директорының жарлықтары мен өзін-өзі басқару органдарының шешімдерін орындау.

2. Басқа да оқушылардың, гимназия қызметкерлерінің құқықтары мен ар-ұятын, абыройын құрметтеу, олардың мүдделеріне қысым көрсетпеу, кішілерге көмектесу.

3. Тәртіпті болу, қоғамдық тәртіпті сақтау, гимназияда, гимназиядан тыс жерде тәртіп мен гигиеналық талаптарды сақтау, мектеп формасының талаптарын орындау.

4. Сабаққа саналы түрде қарау, сабаққа және сабақтың басқа да түрлеріне мезгілінде келу, жұмыс орнында тәртіп сақтау, сабақтан қалған жағдайда сабақ босатқаны туралы растайтын ресми құжаттар әкелу.

5. Гимназияға белгіленген уақытта келіп, сабақты себепсіз босатпау.

6. Гимназияда жұмыс уақыты бойы болу. Сабақ уақытындагимназия аймағынан сынып жетекшісінің немесе гимназия әкімшілігінің рұқсатымен ғана кетуге. 

7. Сабақты жақсы оқу, оқу бағдарламасын меңгеру, үй тапсырмаларын мерзімінде және сапалы орындау.

8. Гимназия мүлкін сақтау, басқа адамдардың еңбегін бағалау, жасыл желекті күтіп, баптау.

9. Өз-өзіне қызмет көрсету жұмысына қатысу, яғни, сыныпта және гимназияда кезешілік міндеттерін атқару.

10. Интернетжелісін қолдану ережелерін сақтау.

Гимназия оқушыларына салынатын тыйым:

1. Қоғамдық тәртіпті, гимназия Жарғысын, ішкі тәртіп ережелерін бұзбау.

2. Қару-жарақ, электрошокерлер, газ баллондарын, пиротехникалық құралдыр, спирттік сусындар, темекі, психотропты, улы, наркотикалық заттарды әкелмеу, біреуге бермеу және қолданбау.

3. Оқу процесі кезінде мектеп ішінде мобильді құралдарды пайдаланбау.

4. Гимназияға кір, умаждалған киіммен келмеу, әдепсіз қысқа әрі ашық киім кимеу, әртүрлі фан-бағыттағы нәрселерді, қандай да бир партияларды, діни ағымдарды насихаттамау және т.б.

5. Айналадағыларға және өзіне кері әсер ететін, қауіпті іс-әрекет жасамау.

6. Әңгімелесу барысында балағат сөздерді қолданбау, арақатынасты анықтау үшін күш көрсетпеу, қорқытып бір заттар, ақша т.б. алумен айналыспау, қорқытып-үркітпеу.

7. Мазмұны ҚР заңдарына сәйкес емес, білім беру мен тәрбиелеу міндеттеріне жатпайтын Интернет қорларын пайдалануға болмайды. 

4. Оқушылардың сыртқы келбеті

Мектеп формасы–қара көк түсті костюм.

- Қыздар киімдері: белдемше, шалбар, сарафан,ақ және ашықтүсті жейде.Белдемше ұзындығы тізеге дейін– плюс-минус 5 см. Шалбар классикалық үлгіде.

Шаш үлгісі: таза, күтілген шаш. Иықтан төмен шаш жиналуы керек.

- Ұл балалар киімі:шалбар,пиджак, ақ және ашық түсті жейде.

Мектеп киімінің міндетті элементі - гимназия белгісі бар кеудеше.

Гимназияның міндетті іскери киімінде болмауы керек: «шпилька» түріндегі биік аяқ киім, спорт аяқ киімі; ашық, абстрактылы суреттері бар заттар; джинсылар, спорттық және басқа да арнайы киімдер.

1-11 сыныптарда ауа райына қарамастан екінші аяқ киім кию міндетті.

5. Сабақтағы тәртіп

1.Оқушылардыкабинеттесыныпжетекшісінемесепәнмұғаліміпсихофизикалықерекшеліктерінескере отырыпотырғызады.

2. Әр мұғалім өз пәнін өткізугенде ҚР заңдарына, гимназияның нормативті құжаттары мен тәртіптеріне қайшы келмейтін арнайы ережелерді анықтауы керек. Бұл ережелерді барлық оқушылар орындауы керек.

3. Сабақ басында оқушылар өз жұмыс орындарын және сабаққа қажетті барлық  оқу құралдарын дайындаулары керек.

4. Мұғалім сыныпқа кіргенде оқушылар орындарынан тұрып амандасады, мұғалім сәлемдесіп болған соң отыруға рұқсат етіледі. Осылай оқушылар сабақ үстінде сыныпқа кірген барлық үлкен адамдармен сәлемдеседі.

5. Сабақ уақыты тек қана сабақ мақсаттарына қолданылуы керек. Сабақ барысында шулауға, бөтен әңгімелермен, ойындармен, басқа да сабаққа қатысы жоқ нәрселермен өзін және басқаларды алаңдатпаулары керек. 

6. Мұғалімнің (сынып жетекшісінің) талап етуімен оқушы күнделігін беруі тиіс. Оқушылардың күнделіктеріндегі барлық жазбалар тыңғылықты орындалуы тиіс.Әр оқу аптасынан кейін ата-аналар күнделікке өз қолдарын қюлары керек. 

7. Сұрақ қою немесе жауап беру үшін оқушы қолын көтеріп, мұғалімнен рұқсат сұрайды.

8. Сабақтан шығу қоңырауы – мұғалімге арналған белгі. Сонда ғана мұғалім сабақтың аяқталғандығы туралы жариялайды, ал оқушылар орындарынан тұрып, өз орындарының тазалығын ретке келтіріп, сыныптан шығады.

9. Оқушылардың дене шынықтыру сабағына арнайы спорттық киімдері және аяқ киімі болу керек.   

10. Сабақ кезінде сабаққа қатысы жоқ болса мобильді телефон және басқа да құрылғыларды пайдалануға тыйым салынады. Барлық техникалық құрылғыларды (плеер, ойын құралдарын) сөндіріп, ұялы телефонды үстелден алып, даусын бәсеңдетуі тиіс. Егер оқушы сабақ кезінде талапты орындамаса, мұғалім техникалық құрылғысын алып қоя алады. Талаптарды бірнеше рет орындамаса, мұғалім техникалық құрылғыларын ата-анасының (заңды өкілдерінің) қатысуымен ғана оқушыға қайтара алады. 

6. Үзілістегі тәртіп

1. Оқушылар үзіліс уақыт демалуға пайдаланулары керек.

2. Дәліздерде, сатыларда,  шыға берісте оңжақпен жүрулерітиіс.

3. Үзілістер кезінде оқушыларға рұқсат етілмейді:

- шулауға, басқалардың дем алуына бөгет болуға, сатымен, терезе маңында және басқа да ойнауға арналмаған жерлерде жүгіруге;

- бір-бірін итеруге, кез келген мәселені шешу үшін заттарды лақтыруға, күш қолдануға;

- бір-бірінебалағатсөздерайтуға, қорқытуға, заттарынқорқытыпалуға;

4. Мұндай құқық бұзушылық орын алған жағдайда, ҚР заңнамасына сәйкес қандай да бір шара қолданылады.

7. Асханадағы тәртіп

1. Оқушылар тазалық ережелерін сақтайды:асханаға сырт киімсіз кіру керек, тамақтанар алдында қолдарын мұқият жуу керек.

2. Оқушыларға буфетте кезек бойынша қызмет етіледі, асхана қызметкерлерінің талаптарын орындайды, тамақ сатып алу тәртібін сақтайды. Ыстық және сұйық тамақ алғанда абай болу керек.

3. Асханада сатып алған немесе өздерімен әкелген тамақ пен сусындарын тек қана асханада  ішуі тиіс. Оқушылар тамақ ішкен соң ыдыстарды жинап қояды.

8. Сыныптан тыс іс-шараларды өткізу кезіндегі тәртіп

1. Іс-шара өткізу алдында оқушылар міндетті түрде техника қауіпсіздігі туралы нұсқаулықпен танысулары керек.

2. Іс-шараларды өткізу кезінде жетекшінің барлық талаптарын мұқият орындау керек, өз өмірі мен басқа оқушылардың өміріне қауіпті әрекеттерді болдырмауға тиіс.

3. Оқушылар тәртіп сақтап, белгіленген жолмен жүріп, жетекшінің айтуымен топ арасында болулары тиіс.

4. Жеке тазалығын қатал сақтауы керек, топ жетекшісіне дер кезінде өзінің денсаулығының нашарлауы мен жарақаты туралы хабарлауы керек.

5. Оқушылар жергілікті сал-дәстүрлерді құрметтеулері керек, табиғат, тарихи ескерткіштер мен мәдениет, жеке және топ мүліктеріне ұқыптылықпен қараулары керек.

6. От жағуға, өрт қаупі бар от шашатын (факелдер, балауыздар, фейерверк т.б.), химиялық, пиротехникалық т.б. заттардықолдануғатыйымсалынады.

9. Ата-аналардың (қамқоршысының) құқықтары мен міндеттері

Ата-аналар (заңды өкілдер) құқылы:

1. Балалардың заңды құқықтарын және көзқарастарын қорғауға құқылы.

2. Білім беру ұйымын регламенттеуші гимназия Жарғысымен және  басқа да құқықтық нормативті құжаттармен, сонымен бірге осы Ережелермен танысулары керек.

3. Білім беру процесінің барысы және мазмұнымен, оқушылардың бағаларымен танысуға құқылы.

4. Гимназия ұсынған қосымша білім беру қызметтерінің түрлерін таңдау.

5. Сыныпты, гимназияны әрі қарай дамыту мақсатында қолданылып жүрген заң аясында қайырымдылық тұрғысымен материалдық көмек көрсету.

6. Гимназия Жарғысы мен шарттардың, осы Ережелердің орындалуын талап ету.

 

Ата-аналар (заңды өкілдер) міндетті:

1. Өз балаларын тәрбиелеуде жауапкершілік таныту, негізгі орта және орта (толық) жалпы білім алуға жағдайлар жасау, оқушылардың сабаққа қатысуларын жиі қадағалауға міндетті.

2. Гимназияға дер кезінде оқушы туралы ақпаратты жеткізіп отыруға, баланың сабақ босатуының себебін хабарлауға.

3. Баланың өз мәнінде білім алуы мен тәрбиеленуі үшін қажетті заттарымен, соның ішінде спорт киімімен, екінші аяқ киіммен қамтамасыз етуге міндетті.

4.Шақырту алған жағдайда сынып және жалпы мектеп ата-аналар жиналысына қатысуға, педагогтардың, әкімшіліктің шақыртуымен мектепке келуге.

5. Балаларға үй жағдайындағы керек емес ақпараттарды жеткізбеуге жауапты болу.

6. Қолданыстағы заң бойынша, оқушы залал келтірген гимназия мүлкін өтеуге міндетті.

7. Гимназия қызметкерлерінің еңбегі мен құқыларын құрметтеп, олардың беделдерін қолдауға.

8. ҚР қолданыстағы заңдарын, Жарғы талаптарын және осы Ереженің нормаларын орындауға.

  10. Педагогтардың құқықтары мен міндеттері

Гимназияның педагог қызметкерлері

1. Гимназия ұйымдастырып отырған сабақ беру, сыныптан тыс іс-шаралар, мектептен тыс шаралар өткізгенде балалардың өмірі мен денсаулықтарына толық жауапты.

2. Оқушы жарақаттанған жағдайларда шұғыл түрде әкімшілікке, құзырлы органдарға (жедел жәрдем, өрт сөндіру бөлімшесі т.б.) хабарлау керек.

3. Ұжымда этикалық нормаларды сақтайды және этикалық ортаны сақтауды насихаттайды.

Мектептің педагогикалық қызметкерлерінің міндеттері:

1. Педагог кадрларды аттестаттау Ережесіне сәйкес 5 жылда бір рет аттестациядан өту, кәсіби біліктілігін жүйелі түрде көтеріп отыру, жұмыс сапасын арттыру үшін іс-шаралар өткізу, алдыңғы қатарлы педагогикалық тәжірибе енгізіп, тарату.

2. Сабақ кестесінен тыс гимназия өткізетін барлық шараларға қатысу.

3. Жылдық бекітілген тақырыптық жоспардың бар болуы, әр сағатқа арналған сабақ жоспары, сынып сағаттарын қоса; мектеп құжаттарын дер кезінде толтыру.

4. ҚР білім беру жүйесі қызметкерлерінің мамандықтары мен лауазымдары туралы Тізімі бойынша мамандықтары мен лауазымдары бойынша бірлестіру. Мамандықтары мен лауазымдарын бірлестіруге гимназия кәсіподақпен келісе отырып рұқсат береді.

5. Гимназия директоры мен директордың орынбасарлары тапсырған жарлықтарды  мерзімінде орындау. Жарлықпен келіспеген жағдайда еңбек дауларын шешетін комиссияға шағынуға құқылы.

6. Адал және ұқыпты еңбек ету, ҚР заңдарына, ішкі еңбек Ережелері, жалпыбілім беретін мектеп Жарғысы, ережелер мен қызметтік нұсқаулықтарға сәйкес міндеттерін қатал орындау.

7. Еңбек тәртібін сақтау – гимназия тәртібін сақтау, жұмысқа мезгілінде келу, жұмыс күнінің бекітілген уақытын сақтау, оны жүктелген шығармашылыққа жұмсау, жүктелген міндеттерді тиімді орындау, қызметкерлердің өз міндеттерін орындауына кедергі келтірмеу, білім беру ұйымының директоры тапсырған нұсқауларды мезгілінде және нақты орындау

8. Жұмыста, тұрмыста және қоғамдық орындарда лайықты тәртіп,  жоғары моральдық міндет иесі болу керек. Балаларға мұқият болып, оқушылардың ата-аналары мен ұжым мүшелерімен сыпайы болу керек.

9. Ережелер мен нұсқаулықтарға сәйкес техника қауіпсіздігін, өндіріс тазалығын, өрт қауіпсіздігін сақтау керек, барлық жарақаттану жағдайлары туралы әкімшілікке хабарлау керек.

10. Мемлекет мүлкін (құрал-жабдықтар, бұйым, оқу құралдары т.б.) сақтап, нығайту, материалдарды, электр тогын үнемдеп жұмсау, оқушыларды мемлекет мүлкіне мұқият болуды үйрету. Өз жұмыс орнын таза әрі тәртіпте ұстау.

11. Мектепішілік құжаттарды (журналдар, күнделіктер, оқушылардың үлгерім табелдері) мезгілімен толтырып отыру.

12. Педагогтар төтенше жағдайлар мен стандартқа сай емес оқиғаларды мектеп әкімшілігіне және де құзырлы орындарға (жедел жәрдемге, өрт сөндіру бөлімшесіне т.б.) тез арада хабарлауларға міндетті.

13. Педагогтардың сырт келбеттері, киімдері іскери үлгіде, таза, қатаң түрде болуы керек.

14. Жыл сайын белгіленген уақытта медициналық тексеру нұсқаулықтарына сәйкес медициналық тексерістен өту керек.

Педагогикалық қызметкерлерге тыйым салынады:

1. Өз бетінше сабақ кестесі мен жұмыс графигін өзгертуге; сабақты болдырмауға, сабақ уақытын ұзарту немесе қысқартуға, үзілістерді де ұзартып, қысқартуға.

2. Сабақтан оқушыларды шығарып жіберуге, сабақ кезінде оқушыларды сабақ процесіне қатысы жоқ жұмысқа салуға.

3. Қоғамдық тапсырмаларды орындау мақсатында оқушыларды сабақтан босатуға, спорт немесе басқа да іс-шараларға мектеп директоры немесе білім бөлімінің рұқсатымен ғана қатыстырылады.

4. Темекі шегу, мектеп аймағында және мектепке жақын маңда спирттік ішімдік ішуге тыйым салынады.

Сынып жетекшісінің міндеттері:

1. Гимназия Жарғысын қатаң орындауға.

2. Сабақ кестесі мен тәрбие жұмысының жоспары бойынша аптасына бір рет сынып сағатын өткізу.

3. Тәрбие жұмысының бекітілген жоспары бойынша сыныппен тәрбие жұмыстарын өткізу. Жылына төрт рет ата-аналар жиналысын өткізу.

4. Аптасына бір рет оқушының күнделігіне қойылған бағаларды тексеру.

5. 1-4 сынып жетекшілері мектепте оқушылардың соңғы сабақтарына дейін болулары керек.

6. Ата-аналарды Интернет желісіне кіру саясаты туралы таныстыру. 

11. Әкімшіліктің құқықтары мен міндеттері

Әкімшілік міндетті:

1. Ұжымда этикалық нормаларды қатаң сақтау және этиканы насихаттау. 

2. Ұжымда, оқушылардың ата-аналарымен (заңды өкілдерімен) моральды-психологиялық және дұрыс микроклимат орнату.

3. Гимназия қызметкерлерінің еңбегін олардың мамандықтары мен біліктіліктеріне  сәйкес ұйымдастыру, әрқайсысына нақты жұмыс орнын бекіту, дер кезінде сабақ кестесімен және жұмыс графигімен таныстыру.

4. Еңбек ету мен оқытудың, денсаулықтың қауіпсіз шараларымен қамтамасыз ету, мекеменің жарамдылығы, жылу, жарық, салқындатылу, бұйымдар мен басқа да құрал-жабдықтармен қамтамасыз ету.

5. Тәртіптің қатаң сақталуын қамтамасыз ету, үнемі жұмыс уақытын жоғалтпас үшін ұйымдастыру мен тәрбие жұмыстарын жүргізіп отыру, еңбек қорларын тиімді пайдалануға, мектептің қолайлы жұмыс істеуі үшін тұрақты еңбек шарттарын қалыптастыру.

6. Еңбек тәртібін бұзғандарға дер кезінде тиісті шаралар қолдану.

7. Еңбек ұжымында іскерлік, шығармашылық жағдайлар қалыптастыру, қызметкерлердің бастамаларын қолдап, дамыту. Қызметкерлердің гимназияны жақсарту туралы ұсыныстарын дер кезінде қарау.

8. Білім беру сапасын сабақтарға қатысу, сабақтарды талдау, әкімшілік бақылау жұмыстарын жүргізу т.б. сабақ кестесін қадағалау, білім беру жоспарларын орындау, оқу жоспарларын, оқу күнтізбелік тізімдерді  орындау арқылы қадағалау. Сабаққа сырттан келген адамдар мектеп директорының немесе директордың орынбасарларының рұқсатымен қатыса алады. Сабақ барысында оқушылардың көзінше педагогқа оның жұмыстары туралы ескертулер айтуға болмайды.

9. Қызметкерлер мен оқушылардың техника қауіпсіздігі, өрт қауіпсіздігі, тазалық пен гигиена  талаптарына сәйкес білімдері мен қауіпсіздіктерін үнемі бақылап отыру.  Қызметкерлер мен оқушыларда жарақаттану, кәсіби аурулар және басқа да ауруларды болдырмау мақсатында алдын ала қажетті шараларды қолдану.

10. Гимназияның педагогтары мен басқа да қызметкерлерінің кәсіби біліктіліктерін жүйелі түрде көтеріп отыруларын қамтамасыз ету. Жұмыстың сапасын арттыру үшін шаралар өткізе отырып, қызметкерлердің алдыңғы қатарлы тәжірибелерін таратып, енгізіп еңбектің ғылыми ұйымдастырылуына жағдай жасау. Белгіленген мерзімде педагог қызметкерлерді аттестациядан өткізу.

11. Гимназия қызметкерлері мен оқушыларға ыстық тамақ ұйымдастыру.

12. Гимназия қызметкерлерін еңбек ұжымының жиналыстарын, өндірістік мәжілістерді, қоғамдық өзін-өзі басқару және тағы басқа түрлерін толық пайдалана отырып гимназияны басқаруға қатыстыру. Дер кезінде қызметкерлердің сындарын қарастырып, жасалған шараларды оларға хабарлап отыру.

13. Еңбек міндеттерін үлгілі орындағандары үшін, жаңалықтар ашса және басқа да жетістіктерге жетсе кәсіподақ комитетімен келісе отырып ынталандыру жүйесі қолданылады. Ынталандыру директордың жарлығымен хабарланады, ұжымға жеткізіледі және еңбек кітапшасына енгізіледі.

14. Директордың жарлығымен, белгіленген тәртіп бойынша оқу жұмысына қосымша сынып жетекшілігі, әдістемелік бірлестік жетекшілігі, әдістемелік жұмыстардың басқа да құрылымдарына жетекшілік ету, оқу шеберханаларына, оқу кабинеттеріне жауапты болу, кәсіптік бағдарлауды ұйымдастыру, басқа да оқу-тәрбие жұмыстарын орындау  жүктелуі мүмкін.

15. Гимназия әкімшілігі төтенше жағдай орын алғанда шұғыл түрде болған оқиға туралы жоғары және құзыретті органдарға (жедел жәрдем, өрт сөндіру бөлімшесі т.б.) хабарлаулары керек. Қажет болса бірінші медициналық көмек көрсетулері керек және жедел жәрдемді шақыру керек.

16. Гимназия әкімшілігі өз міндеттерін орындау барысында кәсіподақ комитетімен келісілген шешім қабылдауына құқылы.

11. Қорытынды нұсқаулар

1. Осы Ережелер гимназияның барлық аумағында іске асырылады және гимназия оқушылары қатысатын барлық іс-шараларға таратылады.

2. Педагогикалық кеңес шешімімен заңға қайшы әрекеттерді, гимназия Жарғысын, ішкі тәртіп Ережелерін, оқу тәртібін өрескел бұзған оқушыларды гимназиядан шығару, қызметкерлер үшін еңбек тәртібінің заңдары бойынша тәртіптік іс-шаралар қарастырған.