«Бастауышым  балбұлағым, лаулап жансын шамшырағым» атты апталық аясында Қарағанды қаласының 80 жылдығына қарсы орай  «Туған елім –алтын бесігім» атты тәрбиелік мазмұны ерекше  көрме ұйымдастырылды. Оқушылар  шығармашылық қабілеттерін жан –жақты көрсете білді.  «Болашақ мектебім», «Менің арманымдағы үй». «Әдемі қалашық», «Ғажап ғимарат» атты тақырыптардағы  жұмыстары аса жоғары деңгейде болды. Ата –аналар да белсене қатысып, көрмені  оқушылармен бірге қызықтады.

 Қараша айының  22- сі күні онкүндік бастауыш сыныптардың  апталығы аясында  2-4 сыныптар арасында,  «Тәуелсіз елдің тірегі – білімді ұрпақ», «Елім менің», «Жас математик» атты  зияткерлік сайыстар өтті.  Сайыстардың мазмұны оқушылардың танымдық, шығармашылық қабілеттерін арттыру мақсатына негізделді. Оқушылар өте белсенді түрде өз білімдерін ортаға салды. Жеңімпаз атанған топтар арнаулы сыйлықтарға ие болды. Сайыс ұстаздардың да, оқушылардың да көңілінен шықты.