Қазақстан Республикасы Тәуелсіздігінің 25 жылдық мерейтойы

2016 жылдың 16 желтоқсанында - Қазақстан Республикасы Тәуелсіздігінің 25 жылдық мерейтойы. Бұл мемлекетіміз бен халқымыз үшін ең басты әрі құнды мереке болмақ. Тәуелсіз еліміз ширек ғасырға жуық уақыт ішінде қаржы дағдарыстарының қиындықтарына қарсы тұра білді, тұрақты даму жолына түсіп, биік белестерді бағындырды, толағай жетістіктерге қол жеткізді.

25 жыл – ширек ғасыр. Өткенге  қорытынды жасап, «Мәңгілік Ел» болуға бекінген мемлекетіміздің бүгіні мен келешегі туралы ой толғайтын есепті жыл. Тәуелсіздікті баянды ету жолында аға буын салған сара жолды да тілге тиек етуге болады. Өйткені, олар – ғасырлар тоғысында туған талай тағдыршешті оқиғалардың куәсі. Тәуелсіз еліміз ширек ғасырға жуық уақыт ішінде қаржы дағдарыстарының қиындықтарына қарсы тұра білді. Тұрақты даму жолына түсіп, биік белестерді бағындырды.  Толағай жетістіктерге қол жеткізді.  Әлемдегі бәсекеге қабілетті 50 елдің қатарына енді. Мемлекет басшысының елді дамытудағы стратегиялық бағдарламалары мерзімінен бұрын жүзеге асып келеді. Тәуелсіздік тұғырын бекітіп, Мәңгілік Ел болуға бет бұрған Қазақстанның бұл - осы жылдар ішінде қол жеткізген жетістігінің бір парасы ғана.

Тамыры тереңде жатқан тарихты таңқалуға бір сәт жетеді, ал таңқалдыруға бір адамның ғұмыры жетпейді дегендей  кең жайлауы, асау өзені, асқар тауы, мәуелі бағы, көркем белі, лебі жұпар, ерке желі, жанға сая панамыз –көркем жеріміз, тәуелсіз Қазақстан еліміздің бүгінгі мерейлі меркесі құтты болсын