Қасиетті ұлы мереке  Жеңіс күнімен шын жүректен құттықтаймыз! 

        Осыдан 69 жыл бұрын адамзат тарихында ең ауыр және қанды соғыстың соңғы оқтары атылды. Содан бері 1945 жылдың 9 мамыры жұртшылық жадында біздің халқымыздың ерлік үлгісі, мұқалмас қажырлығы мен мызғымастығының символы болып келеді.

Отан қорғаушылар жасаған ерліктер мәңгілік және уақыт ағысымен жоғалып кетпейді. Сол бір қаһарлы соғыс жылдары алыстаған сайын оның маңызын біз ерекше ұғына түсудеміз. Сондықтан да халық ұзақ күткен Ұлы Жеңісті жақындатуда майданда да, тылда да жанқиярлықпен күреске түскендердің барлығы айрықша құрметке ие, қаза тапқандардың рухына тағзым етеміз.

         Жеңіс күні мерекесі қарсаңында мектепте бірқатар іс-шаралар ұйымдастырылып, мерекелік концерт өткізілді. Шараларға мектеп ұжымы мен оқушылар белсене қатысып, өздерінің бұл ұлы мерекеге деген сый-құрметін көрсетті.