Жеңіс күні бәріміз үшін айрықша қымбат, қасиетті мереке. Бұл тек, сол соғыста жеңіске жеткенімізді атап өтетін күн ғана емес. Ол – сол соғыста Жеңісті жақындату үшін жан аямай шайқасып, қан майданнан оралмай, еліміздің берік қорғанындай болып қалған арыстарымызды еске алатын күн.
Бүгінгі Жеңісті өз қолымен, қанымен әкелген соғыс ардагерлері мен тыл еңбеккерлеріне сіздердің ерліктеріңіз біздің барлығымызға үлгі дейміз. Даналықтарыңыз, төзімділіктеріңіз, өмірлік тәжірибелеріңіз бірліктің, тұрақтылықтың қайнар бұлағы болып саналады. Көпұлтты Қазақстан халқының татулығының негізі осы соғыс жылдарында сіздердің үлгілеріңізбен қаланған. Сондықтан да ол бірлік мызғымас мәрмәрға айналып, болашағымыздың гүлденуінің бастауы болып табылады.

     Ұлы Отан соғысының ардагерлері мен тыл еңбеккерлері, оларға теңестірілген жауынгерлер сіздерді Жеңіс мерекесімен шын жүректен құттықтаймыз. Сергек көңіл күй, зор денсаулық пен отбасы берекесін тілейміз!