Ағымдағы жылдың мамыр айының 13-күні, кәсіби бағдар беру бойынша 9 және11-сынып оқушыларына кәсіптік бағдар жұмысын жүргізу мақсатында, Қарағанды жоғары медициналық интерколледжінің өкілі Сакилбаева Динара Калмуханбетовна кездесу өткізді.  Кездесуде Динара Калмуханбетовна колледждің оқу бағдарламалары, мамандықтары және студенттердің алған білімдері мен тәжірибелері туралы жан-жақты ақпарат берді,оқушыларға медицина саласындағы білімнің маңызды екенін және осы мамандықты таңдаудың перспективаларын түсіндірді. Оқушылар медициналық интерколледжде білім алу мүмкіндіктерін, оқу процесінің ерекшеліктерін және практика арқылы дағдыларын дамыту туралы сұрақтар қойды. Кездесудің барысында оқушыларға арнайы дайындалған презентация ұсынылып, колледждің материалдық-техникалық базасы, зертханалары және оқу кабинеттері таныстырылды. Динара Калмуханбетовна кездесу соңында оқушыларға нақты кеңестер беріп, сұрақтарына жауап беріп, болашақта медициналық салада мансап құру туралы ой қозғады. Аталған іс-шара оқушыларға кәсіби бағдар алу және медицина саласындағы мамандықтарды таңдау мәселелерінде тың ақпарат алу мүмкіндігін қамтамасыз етті, сондай-ақ олардың болашақта дұрыс шешім қабылдауына елеулі ықпал етті.

Жауапты:  Ахметова Алия Муратовна.             

 #АдалАзамат

#ЕңбекқорлықжәнеКәсібибіліктілік

#goroo_krg