Құрметті ұстаздар, оқушылар және ата-аналар!

Баршаңызды ұлтымыз үшін аса қастерлі, ең маңызды мереке – Қазақстан Республикасының Тәуелсіздік күнімен шын жүректен құттықтаймын!

Тәуелсіздік – ата-бабаларымыздың ғасырлар бойы армандаған асыл мұраты, талай ерлердің ерен ерлігімен келген қасиетті құндылығымыз. Бұл күн – елдігіміздің, бірлігіміздің, тұтастығымыздың айқын көрінісі.

Біз – Тәуелсіз елдің ұрпағымыз! Еліміздің жарқын болашағы – сіздердің қолдарыңызда, құрметті оқушылар. Оқу мен тәрбиеде алда болыңыздар, елге адал, білімді азамат болып өсіңіздер.

Мұғалімдер қауымына – ұрпақ тәрбиелеу жолындағы еңбектеріңізге алғысымды білдіремін. Жаңа табыстар мен шығармашылық шабыт тілеймін.

Еліміз аман, Тәуелсіздігіміз мәңгілік болсын!

Мереке құтты болсын!