Отанымыздағы миллиондаған балаға білім үйретіп, тәрбие тағылымын дарытып келе жатқан мыңдаған мұғалімге басшылық жасау да үлкен қызмет. Сол себепті де жиырма жылға жуық мектеп басшылығы қызметін үлкен жауапкершілікпен атқарып келе жатқан мектебіміздің директоры Ықылас Катенұлын ҚР-ның Білім және Ғылым министрінен алған құрмет граматасымен құттықтаймыз. Өзінің ісімен, өзінің сөзімен егемен еліміздің болашағын ойлайтын, тәуелсіздігін қорғайтын білімді ұрпақты тәрбиелеу жолында аянбай еңбек етудесіз. Осы  жасаған еңбегіңіздің еленгені мектеп ұжымы үшін үлкен жетістік. Тек өз Отанымыздағы білім үрдісімен шектеліп қалмай, әлемдік білім кеңістігіне шығу жолындағы қадамыңыз құтты болсын. Әрқашан бастаған ісіңіз оңынан болып, тәрбиелеп отырған оқушыларыңыз үлкен жетістіктерге жетіп, мектебіміздің аты халықаралық деңгейге көтеріле берсін. Алар асуыңыз бен бағындырар белесіңіз көп болсын!