Соңғы жылдары бүкіл әлемді жаулап алған темекі тарту, нашақорлыққа салыну, есірткі шегу сияқты жаман әдеттер біздің елімізде де, әсіресе жасөспірімдер арасында кеңінен таралуда. Ұлтымыздың болашағы, мемлекетіміздің тірегі деп жүрген жастардың мұндай жаман әдеттерге бой алдыруы кімді болса да ойландыратыны анық. Сондықтан біз бүгінгі сап түзеуімізде жоғары сынып оқушыларына шылым шегудің адам ағзасына тигізетін зиянды әсерлері туралы әңгімеледік. Сап түзеу мақсаты шылым шегудің зиянды әсерлерін ашу, оның салдарынан туатын аурулар туралы оқушылар білімін арттыру.