Қайырымдылық — көмекті қажет етушілерге  білдірілетін сүйіспеншілік пен нақты көмек. Кісінің айналасындағы адамдарға деген ықыласы мен көмегін, адамгершілік қарым-қатынастарын білдіреді. Адам өз ұрпағына қайырымдылықты жастайынан үйретіп, адамгершілік қасиеттерге баулуға ұмтылады.  Осы тұрғыда мектебіміз жыл сайын түрлі қайырымдылық іс-шараларын ұйымдастырып тұрады. Биыл да сол бастамамен 18 қазан -Рухани адамгершілік және келісім күнінде мектебіміздің оқушылары мен ұстаздары қайырымды іс жасады. Восток-5 шағын ауданында орналасқан арнайы мектеп интернатына барып, ондағы балаларға арнап концерттік бағдарлама мен қызықты ойындар өткізді. Аз да болса жүректеріне жылу, жүздеріне күлкі сыйлай алғанымызға қуаныштымыз. Шара соңында әрбір балаға тәттілер таратылды. Мұндай қайырымдылық шаралар өз жалғасын тауып жатса, адам жанының нұрланары сөзсіз.