22 қыркүйек ҚР-ның Тілдер күні мерекесі құтты болсын, - дей келе мектебімізде «Ана тілім асыл қазынам»тақырыбында өткізіліп жатқан  апталық аясында  «Тіл-халықтың жаны» тақырыбындағы кездесуге Қарағандылық айтыскер ақын, облыстық, республикалық жыр жүлдегері, Ж.Жақыпбаев атындағы республикалық «Жұматай-жыр қағаны» атты мүшайраның 3 орын иегері, 2011 жылы Павлодар қаласында өткен жас қаламгерлердің «Тәуелсіздік тұғыры» атты фестивалінің Естай атындағы арнайы жүлдесінің лауреаты  Иманбеков Қайратпен кездесу өтті. Кездесу барысында ақын өзінің өмірі және шығармашылық жолымен таныстырды.Оқушылар ақынның өлеңдерін нақышына келтіре орындаса, мектеп әншлері шарықтаған әнмен тербетті. Оқушылар ақынның қаламынан туған көптеген өлеңдермен сусындады. Кездесуге М.Әуезов атындағы кітапхана өз көрмелерін де ала келді. Оқушыларымыз рухани байып, тіліміздің қадір - қасиетін сезініп, өз қаламдарынан туған шығармаларын да ортаға сала білді. Шығармашыл оқушыларымызға ақын өз батасын беріп, кітаптарын сыйға тартты. Мектеп әкімшілігі ақын ұлымызға шығармашылық табыс тілей отырып, мағыналы да мәнді кездесулеріміздің көбейе беруін айта келе, өз алғысымызды білдіреміз.

№ 8 ЖББОМ-тің

директордың тәрбие ісі жөніндегі  орынбасары

Жұматаева  Ақгүл  Советқызы