25.01.2017 жылы №8 «жалпы білім беретін» КММ-де бастауыш сыныптарында  «Жаңартылған білім беру мазмұны аясында оқушылардың функционалдық сауаттылықтарын дамыту»тақырыбында қалалық семинар өтті.

Семинардың мақсаты:

Бастауыш сынып оқушыларының функционалдық сауаттылығын қалыптасыру үшін оқытудағы жаңа тәсілдерді қолдану арқылы педогогикалық үрдісті ұйымдастыру бойынша тәжірибе алмасу мен материалдарды жалпылау үшін жағдайлар жасау.

Семинар мектеп директоры Мустафин Ыклас Катеновичтің құттықтау сөзімен басталды.

Семианарға сонымен қатар қалалық білім бөлімінің әдіскері Оспанова Гульсара Хабаркелдиевна құттықтау сөз айта отырып, «Критериалды бағалау жүйесінің мазмұны» атты баяндамасын оқыды.

Келесі сөзді «Өрлеу» БАҰО  АҚФ» Қарағанды облысы бойынша ПҚБАИ Мектепке дейінгі тәрбие және бастауыш білім беру кафедрасының аға оқытушысы Майбасова Уміт Амандыққызы ұстаздарды семинардың ашылуымен құттықтай отырып, сәттілік тіледі.

1 «А» сынып мұғалімі Каирбекова Рымкуль Сериковна сауат ашу пәнінен «Пп дыбысы мен әрпі» атты ашық сабақ өткізді. Сабақ өте жақсы  дәрежеде өтті. Сынып оқушылары өздерінің білімдерін көрсетіп, осы уақытқа дейінгі алған білімдерін ортаға салып, берілген тапсырмаларды жақсы орындай білді.

1 «Ә» сынып мұғалімі Фазылова Анар Айткалиевна математика пәнінен «Апта күндері» атты ашық сабағын өткізді. Бұл сыныпта да оқушылар өздерінің ойларын жетік жеткізіп, келген қонақтар сыныпқа өте жақсы деген баға беріп кетті.

4 «А» сынып мұғалімі Оспанова Айгуль Азимбаевна қазақ тілі пәнінен «Көмектес септік» тақырыбынан ашық сабақ өткізді. Оқушылардың сабаққа қатысулары өте белсенді екенін келген қонақтарға көрсете білді. Сонымен қатар осы сынып оқушылары АКТ – ны да пайдаланып, қалыптастырушы бағалауды қолданды.

Келесі кезекте осы мектептің 1 «А» және 1 «Ә» сынып мұғалімдері өздерінің жиынтық бағалау тапсырамалары аясында өз  іс –тәжірибелерімен алмасты.

Келген «Өрлеу» БАҰО  АҚФ» Қарағанды облысы бойынша ПҚБАИ Мектепке дейінгі тәрбие және бастауыш білім беру кафедрасының аға оқытушысы Шадетова Алтынгүл Кенесовна  «Сабақты жоспарлауда оқу мақсаттарының жүйесі» тренинг өткізіп, мұғалімдерді мазалап жүрген сұрақтарына жауап берді.

Өрлеу» БАҰО  АҚФ» Қарағанды облысы бойынша ПҚБАИ Мектепке дейінгі тәрбие және бастауыш білім беру кафедрасының аға оқытушысы Майбасова Үміт Амандыққызы «Оқытудағы критериалды бағалау» дөңгелек үстел ұйымдастырып, критериалды бағалау аясындағы ашық сұрақтарға жауап берді.

Семинардың соңында келген мұғалімдерге бастауыш сынып мұғалімі Тусупова Алмагуль Маратовна рефлексиялық парақтарды таратып, келген қонақтардың пікірлерін тыңдады. Семинарға қатысушалар семинардан алған өз әсерлерімен бөлісе отырып, №8 «жалпы білім беретін» КММ мектеп басшысы Мустафин Ыклас Катеновичке және де мектеп ұжымы, соның ішінде бастауыш сынып ұжымына осындай семинар ұйымдастырғанына шексіз алғыстарын білдіріп, шығармашылық табыс тіледі.