Қазақстан Республикасы Тәуелсіздігінің 25 жылдығы және Тұңғыш Президент  күніне арналған балалардың «Жас ұрпақ – болашақ бастауы» сурет көрмесі  мектебіміздің І қабатында орын алды. Бұл «Акварельки» сурет үйірмесі тәрбиеленушілердің туындысы. Биылғы оқу жылында № 2 өнер мектебінің ұстазы Мария Александровна Костинаның жетекшілігімен «Акварельки» қол-өнер үйірмесі ашылды. Аталған үйірмеге мектебіміздің 40 оқушысы және шағын ауданымызда тұратын тұрғындар да қатысып,  өнер сиқырын үйренуде. Көрменің  басты мақсаты - жас  ұрпақтың бойында патриотизм мен азаматтық жауапкершілікті қалыптастырып,  Отанға деген сүйіспеншілік  сезімі мен қызығушылығын  арттыру, сондай-ақ балалардың көркем  шығармашылығын дамыту мен кеңінен насихаттау.