16 наурызда бастауыш сыныптарда «Наурыз - думан» атты мерекелік фестиваль атап өтілді. Той тізгінін жүргізушілер қолына алып, мерекенің басталғанын жариялады және оның бағдарламасымен таныстырды.

   Наурыз мейрамының сәні ойын-сауық, ән мен күй, ұлттық тағамдар дастарханы. Бұл іс-шараға 150- ге жуық жас-жеткіншектер мен 70-80 ге тарта ата-аналар қатысты.   Той көрігін қыздырған әр ауылдың жасанып шыққан балалары. Дәстүр бойынша өздерін өлең жолдарымен таныстырып, өнерден де құр алақан емес екендігін байқатты. Олар бірнеше турда сайысқа түсіп, ән шырқады, би биледі, жиналған қауымға өздерінің даярлаған ұлттық тағамдарын ұсынып, дәм таттырды.