17.11.2015 жылы Қарағанды қаласы  №8 негізгі орта мектебінде  «Бастауыш сынып оқушыларының көшбасшылық қабілеттерін дамыта отырып, танымдық белсенділігін арттыру»    тақырыбында  қалалық  семинар болып өтті. Семинарға қалалық білім бөлімінің бастауыш сынып әдіскері Оспанова Г.Х. сонымен қатар қалалық мектептерден 72 мұғалім қатысты. Семинар екі тілде өткізілді.

№8 НОМ  мектеп директоры Мустафин Ы.К. алғашқы сөзді алып, семинарды ашып берді. Сонымен қатар қалалық білім бөлімінің әдіскері Оспанова Г.Х. «Бастауыш мектеп оқушыларының танымдық белсенділігін арттыру» тақырыбында баяндама оқыды.

Семинардың бағдарламасы бойынша қала мектеп мұғалімдері төртке бөліне отырып, сабақтарға қатысты.Өткізілген екі сабақ та жаңаша , топқа бөліну арқылы, оқушылардың көшбасшылқ қабілеттерін арттыру мақсатын көздей отырып өткізілді. Өткізілген сабақтарды қорытындылай отырып, қала мектептерінің мұғалімдері өздерінің ой-пікірлерін «Екі жұлдыз, бір тілек» арқылы білдірді. Кей мұғалімдер  алған әсерлерін төрт жол өлең құрастыру арқылы білдірді. №8 негізігі  орта мектебінің бастауыш сынып мұғалімдеріне жұмыста шығармашылық табыс тіледі.