ҚР-ның Тілдер күніне орай мектебімізде  «Қазақтың үш бәйтерегі» тақырыбында  С.Сейфуллин, І.Жансүгіров,  Б.Майлинге -120 жыл толуына орай 7-9 сыныптар аралығында әдеби кеш өткізілді. Шараны қазақ тілі мен әдебиеті пәнінің мұғалімі  Кузембаев Мартбек Қайыркенұлы өткізді.

Үш бәйтеректің өмірлеріне шолу жасалып, оқушылар  шығармаларын мәнерлеп оқыды.

Сәкені Жезқазғанның сұлу туған,
Жасынан өз бетінше өнер қуған.
“Үкімет” деп арпалысып жүргенінде,
Ақыры аяқ-қолын кісен қиған.

Бейімбеті Қостанайдың сөз зергері,
Жағдайын кедейлердің бар тергені.
Қолынан қалам түспей жүрген кезде,
Таусылды оның халқына көп берері.

Ілиясы Жетісудің дүлдүл ақын,
Жырымен ұлағатты бізге жақын.
Көп өлеңі арналған балаларға,
Сондықтан ұмытпайды оның атын.

Үш бәйтерек бір жыл туып, бір жыл өткен,
Зарлатып әйел-бала бірге кеткен.
Оларға “халық жауы” атақ тағып,
Түбіне үшеуінің бір күн жеткен.