Мектебімізде денсаулық күніне арналған  «Денсаулық фестивалі - 2014» республикалық акциясы аясында спорттық шаралар өтті. Шара    «Белсенді ұзақ өмір - жүз жасты тойлауға кепіл!» ұранымен өткізілді. Шарамыз таңертеңгілік бой жазу жаттығуларымен басталды. Мектебіміздің белсенді оқушылары дайындаған черлидинг биімен жалғасты. Дене шынықтыру пәнінің мұғалімдері және жоғарғы сынып ұлдарының жетекшілігімен әр сыныптар арасында спорттық сайыстар өткізілді. Сонымен бірге ұлттық ойындарға да көңіл бөлінді. Ұлдар арасында арқан тарту, қол күрестер жүргізілді. Мектебіміздің оқушылары шарада белсенділік танытып, салауатты өмір салтын ұстанатындарын көрсете білді.