Құрметті ата-аналар!!!

"№8 ЖББМ" КММ Сіздерге жаңа оқу жылына дайындық аясында мектептерде балалардың әртүрлі санаттарына материалдық көмек көрсету жұмыстары басталғаны жөнінде хабарлайды. «Жалпыға бірдей білім беру» қоры атаулы әлеуметтік көмек алатын балаларға, сондай-ақ жан басына шаққандағы табысы төмен, ең төменгі күнкөріс деңгейінен төмен отбасылардағы балаларға қолдау көрсетеді. Бұл көмек жетім балалар мен ата-анасының қамқорлығынсыз қалған балаларға, сондай-ақ төтенше жағдайға тап болған және басқа да мұқтаж мектеп оқушыларына да қатысты.

Ақшалай қаражат ата-аналарға балалармен бірге мектеп формасын, аяқ киімді, кеңсе тауарларын және басқа да қажетті заттарды өз бетінше таңдауға мүмкіндік беру мақсатында карточкалық шотқа аударылады. Бұл отбасыларға қажетті оқу құралдарын сатып алуға және балаларды оқу жылының сәтті өтуі үшін қажетті заттардың бәрімен қамтамасыз етуге мүмкіндік береді. Материалдық көмек алу үшін мектепке өтінішпен жүгіну қажет. Өтініш Қамқоршылық кеңеспен қаралатын болады. Көмек көрсету туралы шешім отбасылық жағдайды талдағаннан кейін қабылданады. Биыл ағымдағы жылға ақшалай көмектің мөлшері 40 567 теңгені құрайды. Бұл қаражаттың мақсатты пайдаланылуын қамтамасыз ету үшін ата-аналар 15 күн ішінде оқу құралдарын сатып алу туралы есеп беруі керек. Шығындарды растау үшін чектер немесе түбіртектер қажет болады.

Мұндай бақылау жүйесі бөлінген қаражаттың ашықтығы мен мақсатты пайдаланылуына кепілдік береді.

Құрметті ата-аналар, осыған байланысты, құжаттарды жаңарту қажет екенін еске саламыз.  Мектепке құжат тапсырар алдында АӘК алу үшін Бұқар жырау даңғылы, 51/4 мекенжайындағы Жұмыспен қамту орталығына баруыңызды сұраймыз. Жұмыспен қамту орталығынан ресми жауап алғаннан кейін біз сізді мектепте материалдық көмекке өтініш беруіңізді күтеміз, осы әрекеттерден кейін ғана біз сіздің мектептегі жәрдемақы санатыңызды тексере аламыз. АӘК өтінімдерін қарастыру үшін белгілі уақыт қажет, сондықтан Жұмыспен қамту орталығына хабарласыңыздар.