Мектебімізде бұл тақырып төңірегінде ұжым болып оқушыларымызға тәрбиелік ақыл-кеңес арқылы және түрлі тәрбиелік мәні бар іс-шаралар арқылы біршама жұмыстар атқарылды.

03.04.2013 ж. барлық сыныптарды, жас ерекшеліктеріне сай «Нашақорлық, маскүнемдікке қарсы күрес», «Қатыгездік, қанішерлік, қылмыскер деген сөзді қалай түсінесің?» "Құқық және адамзат бостандығы", "Темекі дерт" тәрбие сағаттары өткізілді.  

Жоғарыда өткізген сынып сағаттарында мұғалімдер, оқушылар өз ойларын ортаға салып, қатыгездік, қылмыскер, нашақорлық, дөрекілік жайлы пікірлер айтылды. Тәртіп бұзушылықтың түбі неге апарып соғатынын, оны болдырмау үшін не істеу керек екенін айтып ой бөлісті. Қылмыс жасау мен тәртіп бұзушылардың аяғы неге апарып соқтыратыны туралы өз ойларын ортаға салды.

03.04.2013 ж. 6-8 қазақ сыныптарында «Нашақордың келбеті» атты әңгіме-сұхбат өткізіліп, видеобейне көрсетілді. Балалар анашаның кері әсерлері, оны қолданғаннан кейін адамның қандай болатынын өз ойларын ортаға салды.

7-8 сыныптар аралығында «Есірткіден бас тарт» рөлдік ойын  өткізілді. Тақырыптың мақсаты оқушыларға қиындықты жеңе біліп, әлсіздік танытпауға көмектесу, үйрету.

Мектеп медбикесінің ұйымдастыруымен «Нашақорлықтың зияны» тақырыбында орта буын оқушыларымен кеңес өткізілді. Кеңесте осындай жаман әдеттерден аулақ болуға шақырды.

02.04.2013 ж. 9 сыныпта «Нашақорлықтың өсуі» тақырыбына пікірталас өткізілді.

7-9 сыныптарда «Аңыз әлде шындық» деген тақырыпқа  тест алынды.

Бүгінгі күні біздің елімізде осы есірткі мәселесі жайлы толғанбайтын адам қалмаған болар. Әсіресе, қазіргі кезде жастар мен жеткіншектер арасындағы есірткі мәселесі аса күрделі мәселе болып отыр, бұл нәубеттің әрбір үйге, әрбір сыныпқа, әрбір отбасына енуі мүмкін – шұғыл қимылдау қажет. Статистикалық есептерде – бұл көрсеткіштер, ал адами тұрғыда – бұл тірі жандардың өмірі. Солардың әр қайсысына барлығымыз бірлесіп, педагогтар, ата-аналар және жеткіншектердің өздері де қолғабыс беруіміз керек.