8 наурыз Халықаралық Әйелдер күніне орай мектебімізде мерекелік апталық өтті. Апталық барысында «Сырласайық, жеңеше» атты жеңге мен қайынсіңлі бірлесіп қатысқан сайыс өткізілді. Шараға 5-8 қазақ сыныптарының қыз балалары жеңгелерімен қатысты.

 Сайыс мақсаты:

1.Қазақ қыздарына тән инабаттылық, имандылық, әдептілік, арлылыққа тәрбиелеуде қыз жеңгелерінің де алатын орны ерекше екеніне тоқталу.

2.Ұлттық салт-дәстүрді қадірлеу, туыстық қатынас, соның ішінде жеңгесінің алар орны мен рөлін ұғынуға тәрбиелеу.

Шара бірнеше кезеңнен тұрды

1.Таныстыру (Жеңгесі қайынсіңлісін, қайынсіңлісі жеңгесін таныстырады)

2. «Өнерлінің өрісі кең» (топтың өнерін тамашалау)

3. «Халқын сүйген-салтын сүйер» (Қыз бен жеңгесі қазақтың салт-дәстүрінен көрініс көрсету)

4.Сырымыз бір жеңгелер (сұрақ-жауап)

5. Ептілік сайысы. (бірлесіп жасаған қолөнерлерін көрсетеді)

6. «Зерделі болса жеңешем» (ситуациялық сұрақтар)

7.Адам көркі - шүберек. (сән үлгісі.қайынсіңлісіне тіккен киімдерін қыздар киіп көрсетеді және жеңгесі қыздың талғамы бойынша әңгімелейді)

Қыздарымыз жеңгелерімен бірлесе тамаша өнер көрсетті. Ерекше атап айтатын 8 «А» сыныбының оқушысы Акеева Инабат мен жеңгесі Алтынгүл. Бұл жұп сайысқа ерекше дайындықпен келген, өз өнерлерін, қолөнерлерін, киім үлгілерін жоғары деңгейде дайындаған.Жүргізуші қойған сұрақтарға ептілікпен жауап та бере білді. Әділқазылар алқасы бұл жұптың еңбегін жақсы бағалап, жүлделі бірінші орынды берді.