Отан үшін оққа тос кеудеңді,
Ерлігіңді, өрлігіңді ер көрді .
Бірге аттанған бауырларың жер жастанды , жерленді
Жебейді олар әруағымен сендерді.
Аналардың көл боп аққан көз жасы,
Жетім- жесір тағдырларын ойлашы .
Сол күндерді көрмесін бұл халқымыз,
Елі үшін құрбан болған ер басы.
2013 жылдың 11-ақпан күні Қарағанды қаласының №8 жалпы орта мектебінде «Ауған соғысындағы ерлік – ұрпаққа мұра» атты Кеңес әскерлерінің Ауған жерінен шығарылғанына 24 жыл толуына арналған кездесу өтті. Аталмыш кездесуге мектеп оқытушылары мен оқушылар қатысты. Қонақ негізінде ауған соғысының ардагерлері Эм Геннадий Аркадьевич, Ахметов Илья Юрьевич және Уахитов Еркен деген азаматтар оқушылар қауымымен сұхбат құрып, ауған соғысының ауыр да қауіпті жағдайларымен таныстырды. Ал Эм Геннадий Аркадьевич өзі дайындаған слайд арқылы оқушыларға ауған соғысының тарихы туралы қысқаша баяндамасын көрермен назарына ұсынды. Және де ардагерлер №8 жалпы орта мектебінің оқушыларына құжатнамалық деректі фильм мен «1979-1989 жылғы Ауғаныстан соғысының қысқаша тарихи очерктері» атты кітабын және түрлі-түсті альбомын табыстады.
Еске алып құрметтейміз,
Құрбандардың рухын.
Қабірлері нұрға толсын,
Суық көрде жылынсын.
Есіл ерлер ескерткішке
Айналсаңда біз үшін
Мәңгі бақи тірісіңдер, тірісің!
