«Жас зерттеушілер» сайысы

Қысқы демалыс уақытында оқушылармен түрлі шаралар өткізілді. Солардың бірі тәрбие саласы бойынша өткен «Жас зерттеушілер» сайысы. Шара мақсаты: оқушылардың зерттеу жұмыстарымен айналысуы, өзіндік іздену жұмыстарын жасауы, өз ойын ашық айтуы. Мектепалды даярлық тобынан бастап 9 сыныпқа дейінгі балалар тәрбие бағыттарынан әр түрлі тақырыптар алып, көптеген жұмыстар жасаған. Атап айтсақ, жүлделі орындар иеленген мектепалды даярлық тобының оқушысы Төкенова Сабина «Лашын құсы туралы не білеміз?», Бауыржанов Дамир «Ұйқының пайдасы» тақырыптарында тамаша жұмыс көрсетті. 4 «В» сынып оқушысы Завацкий Андрей «Келешек қала-Город будущего» тақырыбында қаламыздың келешекте қандай болатынын керемет көріністермен көрсетті. 8 «А» сынып оқушысы Ермеков Нұрлан «Қазақтың салт-дәстүрі» тақырыбында жойылып бара жатқан дәстүрлердің бірнеше түрін суреттермен көрсетіп, қорғады. Осы оқушыларымызға білімдерін толыға берсін деген тілек білдіргіміз келеді.