№8 ЖББ орта мектепте 16 желтоқсан ҚР тәуелсіздік күніне арналған «Азаттық-Алаш айбары» тақырыбында онкүндік өтті. Онкүндіктің бірінші күні «Желтоқсан - ерлік тарихы» атты  салтанатты сап түзеумен ашылды. Мектеп оқушыларының дайындаған әдеби монтажы, Құралбекова Толқынның орындауындағы «Қазақстан» әні және қазақ тарихы туралы айтылған көптеген мағлұматтар оқушы санасына оң ықпалын тигізгені сөзсіз.

Сап түзеу барысында желтоқсан құрбандарын минуттық үнсіздікпен еске алдық. «Өлі риза болмай, тірі байымайды» мақалының астарында үлкен тәрбиелік мән жатқанын оқушылар жүрекпен сезінгендей.

Сонымен бірге мектепте 1-6 сыныптар арасында «Гүлдене бер, Қазақстан» қолөнер байқауы көрмеге қойылды. Оқушылар қолынан шыққан түрлі бұйымдар көздің жауын алардай. Әрбір оқушы бойында еліне, жеріне деген ұлтжандылық қасиет көбейе берсін деп тілейміз.