Күзгі демалыс уақытында мұғалімдердің арасында «Тапқыр достар» атты интеллекиуалдық сайыс өткізілді.

Сайыстың мақсаты мұғалімдермен қарым-қатынаста болу, мұғалімдердің қызығушылығын арттырып, білімдерін, сөз байлығын көрсетіп, оны қайта жаңғырту.

Сайысымызға мұғалімнен құралған 2 топ қатысты: «Білім» Тобы мен «Бірлік» тобы. Екі топта өз білімдерін жақсы жағынан көрсете алды. Әрине, сайыс болған жерде жеңіс те, жеңіліс те болады. Сондықтан «Білім» тобы «Бірлік» тобын басып озды.

Сайыс 6 кезеңнен тұрды:І кезең  «Мықты болсаң тауып көр», ІІ кезең  «Жүйрік болсаң шауып көр», ІІІ кезең «Ойлы болсаң озып көр», ІV кезең  «Ойлан, тап!», V кезең «Ең мықты үндемес», VI кезең  «Тапқырлар» деп аталды.

«Мықты болсаң тауып көр» атты І кезеңде жұмбақ шешіліп, мақалдағы көп нүктенің орнына сөз қойып  жауабы үш тілде айту қажет болды. ІІ кезең «Жүйрік болсаң шауып көр» деп аталды. Бұл сайыста сөз тіркесінің мағынасын ашу міндеттелді. ІІІ кезеңнің тақырыбы «Ойлы болсаң озып көр» болып, бұл сайыста мақал-мәтел құрастыру міндеттелді. ІV кезең  «Ойлан, тап!» кезеңі. Бұл кезеңде  әр топтың жетекшілері шығып берілген «Қазақстандықтар» сөзіне бірнеше сөздер құрайды.V кезең «Ең мықты үндемес» деп аталса. Бүл кезеңде сөздер берілген, әр топ ойыншылары сол сөзді ешкімге көрсетпей оқып көрерменге мимикамен түсіндіру қажет, ал көрермен түсіндірген сөзді не екенін табуы қажет болды.VI кезең «Тапқырлар» кезеңі деп аталды. Бұл сайыста әр топқа әріптен жасалған киім берілді. Әр киімде төрт әріптен берілген. Сол әріптерден 2 минут ішінде сөз құрап шығуы міндеттелді.

Ұйымдастырушы: мектеп тәлімгері Карагусова М.К.