2012 жылдың 29 қазанында № 8 ЖББ орта мектебінде «Қамқоршы күні» мерекесінің аясында ата-анасының қамқорынсыз қалған балалардың қамқоршыларын алғыс хаттармен марапаттау рәсімі өткізілді. Мектеп қабырғасында қамқорлықтағы 2 бала және Восток-3 ықшамауданынан 5 баланың қамқошылары мерекелік бағдарламаға шақырылды. Бұл іс-шараға ата-аналар комитетінің мүшелері, бірқатар педагогтар, мектеп оқушылары, 5 қамқоршы және қамқорлықтағы балалар қатысты. Мерекелік бағдарлама барысында «үздік қамқоршы» отбасылары дипломдармен, мектеп өміріне белсене қатысқан қамқоршылар отбасылары алғыс хаттармен, тәтті сыйлықтармен марапатталды. Түрлі себептермен қатыса алмаған қамқоршы отбасыларына да, алғыс хаттар және тәтті сыйлықтар үйді-үйлеріне апарылып тапсырылды. Мерекелік бағдарламаға мектебіміздің оқушылары әсерлі де әдемі әндерімен, тартымды билерімен атсалысты. Бағдарламаның соңында қамқоршылар мектеп ұжымына, оқушыларға алғысын білдіріп, жүрекжарды тілектерін айтты.
