Құтқару  - ердің ісі

Менің аты жөнім – Жауымбай Илхом. Мен Қарағанды қаласы № 8 жалпы білім беретін орта мектебінің 9 «Ә» сыныбында оқимын. Мен өз болашағымды құтқарушы мамандығымен байланыстырғым келеді. Себебі, ер жігіт өз болашағын өзі жас  күннен ойластыруы керек деп ойлаймын.Және де жастар болашақ мамандықты таңдауда еш қателеспеуі керек. Менімен бірге оқитын сыныптастарым болашақта айлығы көп, беделі мықты, аталуы тым керемет естілетін мамандықтарды таңдауды мақсат еткен екен. Ал мен болашағымды құтқарушы мамандығымен байланыстыратын болсам еш өкінбес едім, өйткені бұл мамандық иелері айлығының көптігінен емес, жылы орнының жайлылығында емес, қарапайым халыққа дер кезінде көмектесіп, қауіпсіздіктің алдын-алып, адамдардың риясыз алғысын алғандығын биік санайды және оны абырой көреді.  

Құтқарушы мамандығы әр түрлі саладан құтқарады. Мысалы: суға батып кетуден құтқару. Адам суға кетіп қалса, оған артқы жағынан барып, арқасынан құшақтап, басын жоғары қаратып, құрғақ жерге алып шығу керек. Ол үшін суда мықты жүзе білу шарт, әрі шымыр болу керек. Екінші, өрттен құтқару. Бұл үшін жанған үйге немесе нысанға үстіңді сулап, бетті дымқыл шүберекпен тұмшалап  барып кіру керек.  Адам тұншығып, дем жетпеген жағдайда  жасанды демалдыру тәсілдерін меңгерген болу керек. Үшінші жол-көлік апатынан құтқару. Яғни, сынған, аунаған немесе майысқан көліктен адамдарды тез  шығару және алғашқы медицианлық көмек көрсету. Яғни, қанды тоқтату, сынған аяқ-қол болса, қатты тақтайшаға орап, таңу. Сол  кездегі  құтқарушының әр секунды апатқа ұшыраған адам өміріне өлшеусіз қымбат екенін ұмытпаған жөн. Ол үшін зақымданған көліктен адамды қалай аман-есен шығару және оған кететін уақытты шамамен есептеп алу керек. Құтқарушы мамандығы нағыз ер, жігерлі, батыл адамдардың қызметі дер едім. Және құтқарушының ең басты қасиеті – апат кезінде байбалам салмай,  салқынқандылықпен әр іс-әрекетін жіті бақылауда ұстауы.

Өкінішке орай,  құтқару жолында құтқарушының өзі де опат болып жататын кездер болады. Ондай ерлер өз алдына мемлекет тарапынан марапатталып, еңбектері еске түсіріліп, ерліктері өскелең ұрпаққа үлгі ретінде ескеріліп жатады. Сондай қайғылы жағдайға әкелмес үшін, оған жол бермеу үшін құтқарушының өзі  жан –жақты  көп дайындықтан, әртүрлі сынақтардан  өтуі керек. Сонда ғана құтқарушы мамандығы – нағыз даңқты, өнегелі мамандық болады деп есептеймін.

         Жауынбай Илхом

№ 8ЖББОМ

9 Ә сынып оқушысы