Ақпарат 2020 жылдың 10 қаңтар күні №22 кітапхана -бөлімшесінде Ілияс Есенберлиннің 105 жылдығына орай «Тарих ғылымының классигі» тақырыбында портрет кеш өтті. Оған №8 ЖББОМ-нің 8 сынып оқушылары қатысты. Ілияс Есенберлин! Осы бір ұлы есім тілге оралғанда, кезінде жұмыр жерді тұлпарларының тұяғымен дүбірлеткен бабалар рухы үдере бас көтергендей, қалың тарих қатпары көз алдыңнан өте бастайды. «Қаһар», «Алмас қылыш», «Жанталас»… Осындай ірі әрі тарихи романдарымен артына өшпес әрі бай мұра қалдырған Есенберлин әлемі — таңғажайып әлем! Құрсаулы жылдарда қазақ зиялыларының көрген құқайына қарамастан, кеңестік идеологияның қылышынан қан тамып тұрған, қысылтаяң уақытта да ешкімнен қаймықпай, қасқая тұрып, қазақты төл тарихымен қауыштырып, алғашқылардың бірі болып, тарихи шындықты көркем әдебиетпен көмкере жеткізгеніне еріксіз бас иесің. Он бес жылда он жеті роман жазып, ол еңбектерін құрғақ пәлсапамен емес, ұлт рухын жігерлендіріп, тарихи жадыны жаңғыртатын ғажайып тарихи дәйектермен сипаттаған. Әлбетте, қаламыңды сермей отырып, оның әрбір тарихи романының желісі мен сюжетіндегі рухани дем беретін ерекшеліктеріне жеке-жеке тоқталуға да болар еді. Бірақ жазушының еңбегін бір мақалаға сыйғызу әсте мүмкін емес. Шара соңында кітап көрмесіне шолу жасалды.