Бүгін мектебімізде "Айтыстың ақтаңгері", ақын Дидар Қамиевпен кездесу кеші болды. Шәкірттер асыға күткен ақын ағаларын ерекше қошеметпен қарсы алды. Сахна төріне жайғасқан ақын жүргізуші мен оқушылардың әр сұрағына жауап беріп, айтыс туралы астарлы ойымен бөлісті. Киелі домбырасын алып ән шырқады, жырдан шашу шашты. Ақынның дидарын көруге келген ата-аналар ақ батасын берді. 7 сынып оқушысы Төкен Сабина Дидар Қамиевтың "Мағжанға" атты өлеңін бағын келістіріп жатқа оқып берді. Мектебіміздің әнші оқушыларымен Ақтаңгер ақын қосылып ән шырқады. Кеш соңы әдемі суретке түсу естелігімен аяқталды.